【望眼欲穿系列】終於等到這些餐廳出兒童餐牌喇!

同小朋友出街食飯最驚佢地坐唔定周圍走 ,好多時候係d 野唔對胃口,或者大人狂傾計悶壞小朋友。不如在依個屬於小朋友的日子-- ,同佢地食餐皆大歡喜既好野,跟住小編一齊看重點推介吧!
 
 

比利時啤酒屋的裝潢仿照1920年代的傳統比利時啤酒屋設計,天花板挑高,並配置木製餐桌及彩繪玻璃窗,舒適的環境令人心情放鬆許多,一向是 happy hour 的 熱點之一。最近於中環、灣仔、銅鑼灣和鰂魚涌分店設立「兒童天地」同兒童菜單,包括迷你漢堡、迷你炸魚薯條、炸肉扒配薯條及肉醬意粉等,終於可以同全家人一齊來喇!
 

小朋友可在安全的環境下盡情玩樂,爸爸媽咪又可放鬆心情享用美食,小編最推介佢地正宗的比利時薯條、青口鍋同肉汁豐富的豬手,諗起都流口水呀!

20160228_Frites_Kids_056

 

20160228_Frites_Kids_027

 

 

另一間係小編摯愛的米芝蓮星級法國餐廳,四月起於餐廳的Cafe及戶外花園增設多款兒童美饌,讓大、小美食家都能品嚐美妙的法式滋味。

香煎三文魚配蔬菜及檸檬牛油汁 (HK$128)選用來自挪威三文魚,含豐富Omega-3脂肪酸,有助兒童腦部及視力發展,輕煎後伴上開胃怡人的檸檬牛油汁,滋味同營養都滿分 ;放肆的凱薩漢堡 (HK$168)則以美國黑安格斯牛作主角,配上爽脆的沙律菜及「法國名菜」– 即叫即炸的香脆薯條,相信大人都會爭住食!

Caesar Burger

甜點部分奉上以70%瓜納拉特濃朱古力(Guanaja) 為底的朱古力火鍋,沾上綿花糖、鮮果及雪糕後,朱古力漿立時凝固,濃郁之餘,更帶清幽的花香,太惡魔喇~~

 

Seasons by Olivier E.'s Café Kids' Menu

 
在小朋友食得津津有味的時候,大人亦不愁選擇 – 推介採用優質美國牛柳,再以炭火烤製而成的扒牛柳粒 (HK$147)、滋味較意大利薄餅更輕怡的法式薄餅 (HK$85)、清新的牛油果蝦沙律配龍蝦啫喱(HK$130)等,創意無限的調酒師更隨時候命,大人可以愜意的享受雞尾酒及非酒精飲品。

 
 

其實孩子可以透過日常活動提升學習及社交技巧,讓小朋友在專屬空間嬉戲玩樂,發揮創意及學習與人相處,父母則可以與朋友盡情暢聚,諗起都覺得好幸福呀!