夏天必訪關西的理由

近日又開始Plan暑假一家人去日本旅行。大阪黎緊會係第三次去,朋友都奇怪,點解唔去下另一D地方? 其實去第三次的我們,仲有好多野未玩過!

如果問我日本邊度岩親子,一定係大阪遠勝東京。東京比我既感覺繁忙,亦無大阪咁多岩小朋友玩既地方。推介的話,大阪市內我會首選“Kids Plaza Osaka”,其次就係「神戶市立王子動物園」,遠D可以去埋白濱溫泉區既“Adventure World”,非常好玩!

【Kids Plaza Osaka】

呢個地方係大阪市區,搭幾個地鐵就到。裡面除左有一座大型遊樂城堡比小朋友放電之外,亦有多個分區比小朋友唔同學習體驗,全部都係開放比小朋友玩架!岩晒鐘意神奇事物,坐唔定鐘意攪攪震既細路,哈哈!包括科學原理,昆虫區,外國傳統學習,地鐵禮儀,職業扮演,幼兒遊樂區,日本茶葉製成學習等,非常豐富。相信當地學校應該會帶學生黎呢度Fieldtrip,絕對係好好既體驗!

1a

1b

1c

【神戶市立王子動物園】

我地上年去過呢個動物園,覺得幾好玩,都好多動物睇,講得出都有。另外最特別既,係有個小區比大人小朋友坐入去摸兔仔,我兩個仔好少機會摸動物,所以佢地好開心!另外我好鐘意睇大腥腥,佢除左有媽媽腥腥狂食野之外,仲有BB腥腥非常活躍,好得意好攪笑!同埋入場唔貴,鐘意睇動物可以plan呢度。另外神戶市仲有另一朋友推介的動物王國,佢話個場係動物四圍走,唔算多,但可以摸同餵佢地,我都諗住去睇下,今次試下去唔同地方。

2a

2b

2c

【白濱 Adventure World】

呢個係一半機動遊戲,一半動物園既主題公園。上年連去兩日,如去一日一定要早去,因為好多野睇同玩,都幾大型,入場費會貴少少,都值的。佢除左有齊一般動物,例如北極熊,海豚等外,又有個摸動物小區,都幾得意,好岩小朋友玩。企鵝們仲會定時出黎遊行,同觀眾合照。而我最鐘意係佢有個Safari野生動物區,好大!草食動物,例如長頸鹿等,可以徒步去睇。而獅子黑熊等肉食動物,就要坐觀覽車或自己租車入去。好好睇,好近,大開眼界!每當有車經過,職員會餵佢地食肉,比遊客近D睇佢地,好細心!

3a

3b

適逢近排又寫緊大阪Blog >>  http://blog.curry143.com/

大家可以去參考下D行程,睇下有咩自己岩玩既就mark低佢,帶小朋友旅行要做多D功課,預備隨時突發去唔到一個地方,都可以多D backup嘛!

以上係我自己體驗過好玩必去既地方,2個仔都玩得好開心!祝大家旅途愉快!