當爸爸唔出聲,又表現得無咩所謂的時候…

唔知點解,一直以來大家重視母親節多於。可能在舊時代,一般係媽媽湊小朋友多,爸爸就出外工作,變左子女對媽媽既感情往往係比教親密,自然緊張母親節既慶祝吧!同埋係咪媽媽係女人,對節日緊張多過爸爸,所以大家都唔係點理,最緊要tum掂媽媽,哈哈!
呢樣野其實我唔係好知,因為我好細個已經無爸爸了。係自己生左兩個小朋友開始,先再度變得有意思的,係對我老公有意思先岩。然後發覺,原來老公都會在意的,其實爸爸響家庭既地位角色,一樣咁重要!

shutterstock_436389373

而定呢個年代,唔同以前了,好多爸爸都唔鍾意太威嚴,反而鐘意同仔女玩埋一堆,好似朋友咁相處。唔會令到小朋友要一見到爸爸驚親,同爸爸既距離好遙遠。對長輩尊敬一定要有,但絕對唔係畏懼。而呢個時代既爸爸,其實除左返工賺錢養家外,放工亦會幫手家務,陪小朋友玩,時時見到D爸爸同小朋友玩得更癲!好似我老公咁,佢就由細到大係兩個仔既玩具,康樂組的。會自創好多野比仔玩,紙皮箱,膠紙都係常用工具,及後兩個仔都係學埋呢一套,屋企D膠紙四圍痴,好快又一卷。

又快到了!係時候歌頌下爸爸啦,佢地可能唔出聲,又可能表現得無咩所謂,但小小驚喜,同小朋友自製小禮物tum爸爸,預備一餐爸爸飯,佢地一定好開心的!響度預祝各位爸爸,快樂!身體健康!!