由AirBnb看國民教養

一家大細6月去左大阪2個星期,今次選擇入住民宿,因為比上次住Cross Hotel平一半價錢,而且住2個星期的話,有洗衣機方便好多,唔使半夜手洗衫褲。今次就試試其中一間評價唔錯既民宿,地點好正!近心齋,都幾滿意。同大家分享下住BnbD要留意既事^^

download

話說我地入屋時,睇到host貼左張告示,話隔離屋係Crazy Guy, 叫我地10點後唔好大聲講野,同埋唔好響露台食煙。話隔離屋已經發癲多次,希望大家遵守。就咁睇張告示,可能令人覺得隔離屋難相處,或有一個負面形象,但我地睇到既,係隔離屋既苦處。老實講,如果成楝都係Bnb,其實問題不大。但如果在住宅,人地係正常人家日入而息,都唔希望隔離屋日日不同人,人來人往,晚晚夜夜笙歌吧!慘架真係,你知大家去旅行幾興奮架啦,經常吹水到半夜,仲要癲喪果隻,哈哈!

22mag-22airbnb.t_CA1-articleLarge

之前已睇到了FB 有篇文,寫住Bnb記得唔好半夜洗衫!呢個真係唔講唔知既,去旅行一定早出晚歸,返屋企沖涼攪埋 D 濕碎野12點走唔甩,半夜開機洗衫好正常。但因為D屋好薄,隔音好差,以為洗衣機唔貼對面牆無事,其實隔離屋同樓上樓下都會嘈到!我地中午開機洗衫,部機都好嘈,坦克車咁,半夜開真係會好騷擾!

01-medium

另外,10點後唔好大聲講野了。我地香港慣左嘈雜,大家都慣左講野大大聲,唔係對方真係聽唔到。但人好斯文,講野好細聲,公眾地方好靜。我地去得人地地方,就要融入人地文化,注意聲量。

仲有另一樣野,就係Recycle做得好足,所有垃圾桶都有分類。平時住Hotel我地掉垃圾無需留意,好少包開一袋。而住Bnb,就要同居民一樣,將垃圾分類拎落樓下掉。我地落樓下打開垃圾房,都見到佢地分得好清楚,一般垃圾,膠樽等一格格分類。

download (3)

愈來愈多人book ,希望大家都注意到呢D事,多點顧及他人感受,可以開開心心享受每個旅行。