家教真的在家教

前排響 Facebook Page 度 share 左一段新聞訪問 (http://nextplus.nextmedia.com/news/spot/20150517/199308),係關於一個香港媽媽自己響屋企教小朋友,唔讀,直接上傳統小學。其實呢個做法響我地外國呢邊都常見,好多鬼仔無讀 preschool,直接入小學的,因 preschool 唔係政府規定要讀,小朋友可以滿5歲先入學。可能 home schooling 響香港比較少見,所以呢個媽媽嘅選擇都惹來唔少人關注,而我聽到佢對教小朋友嘅觀念後,已忍唔住要 share 開去,想引導多D父母返回正途!因為 under 香港呢個咁不知所謂嘅制度下,好多父母都身不由己地患上証書收集候群,苦了一班細路,所以見到呢 D 觀念正確嘅報導,都想藉此喚醒返一眾迷途父母。

 

當然,我唔係叫大家唔好比小朋友返,要自已響屋企教,呢件事對在職父母黎講難度太高。只係我覺得每個小朋友都應該擁有一個簡單快樂嘅童年,跟住爸爸媽媽探索世界,而唔係不停被送入班房點名。同時亦想大家感受下當一個媽媽佢肯自己響屋企教小朋友,每日同小朋友學習唔同嘅事物,付出嘅心機同對小朋友嘅愛,真係要非常大先做得到,作為一個全職媽媽,我好佩服佢!

 

我自己湊呔仔細細到接近4歲先返 preschool,都算係 home schooling 一分子。其實如果位媽媽所言,你唔需要專登去搵野比佢學,佢地只需要做返自己,對事物有求知慾,自然會從生活體驗中學習。除左知識上嘅得著,home schooling 最重要嘅就係家教,小朋友識禮貌禮讓,懂得尊重別人,能夠自律自理,學習做人嘅道理,比書本知識更重要!

 

睇完呢篇文章,希望大家都花少少時間去反思一下,自己嘅小朋友最需要係咩? 又或者你最想你小朋友學到D咩? 變成一個點樣嘅人? 同自己嘅關係又夠緊密嗎? 其實只要多點家教仔女,陪佢地一齊成長,已遠比你幫佢報幾多幾好嘅課程黎得有價值了!

 

1 2