聽在心裡的說話

早排 「聖雅各福群會 – 樂寧兒童發展中心」編印一本贈閱書,內容關於的。佢地搵我寫序,大概知道我係過來人,因為呔仔小時候講野極不清晰,4歲仔朋友要估佢講咩,我地都係經過語言治療師幫助,而家呔仔講野又快又清楚了。當我收到邀請時,二話不說就答應,真係好想自己既經歷可以鼓勵到其他家長。

 

12417928_10153391511631586_8102701807378920644_n

呢本「童說同樂」,內容係關於小童語言發展同構音資料,同時亦有認識言語治療,促進言語發展既技巧,亦有一D幫助小童訓練言語既遊戲活動。大家有興趣可以打去以下中心,問下相關資料。同埋如果真係有需要既話,可以聯絡中心排期幫小朋友做言語評估,睇下可以點樣幫助到小朋友。

 

12548966_10153391511461586_6113057393427473298_n

 

以我自己經驗黎講,爸媽們其實唔使太擔心,記得果時呔仔4歲,講野完全無人明,都係咁樣訓練返黎。好多時小朋友講野唔清楚,係因為佢舌頭唔識擺位,呔仔果時就係因為佢講野舌頭唔動。只要做多D口腔同舌頭訓練,就會發到果D音。大家記住,小朋友學講野,千祈唔好比壓力佢,外人亦唔應該取笑佢,壓力都會形成佢唔敢講或者令情況更嚴重。記住一點,就係千祈唔好自己講完個音就猛咁迫佢,要佢講得正,因為咁樣係無用,如果佢講到就唔會講唔到,呢個係佢舌頭擺位配合口腔肌肉既問題,經訓練後自然會發到個音,勉強只會令佢沮喪,對治療並無幫助。

 

12523084_10153391511266586_4870470821657813514_n