莫忘小友情

 

我家兩個小朋友,都係怕醜仔。由出世開始日日對住我同爸爸,一家人外出比約會朋友多,佢地都習慣同對方玩,唔太習慣有其他朋友仔。呔仔(大仔)開始返幼稚園時,喊足個半月,又會成日避開一D行得佢太埋既同學。老師話佢鐘意觀察同學仔,多於參與一齊玩。果時有擔心佢會唔會唔太合群,唔鐘意返學咁多小朋友呢? 但返左一年學,見佢都續漸有同同學玩,同埋放學返黎講學校野係好開心的,咁都放心好多。繼而上左,哇!不得了,開籠雀咁,呢個同學點果個同學點,以乎完全適應了。而細細就怕醜得黎比較合群,幼稚園時唔會撩人玩,但都鐘意埋堆傾計。同樣上左後,見佢小息不停撩同學仔追佢,又有同學黎拖佢手行,似乎人際關係唔錯。

 

class

 

今日又睇仔小息(暗地),見細細拖同學追逐,同學仔“被捕”時一個頭憾落去條鐵度,唉呀慘喇!痛到同學仔按住額頭坐左響地下,我見到細細好擔心,猛口up up(應該係問痛唔痛,有無事之類)又即刻搵老師黎,然後我見到佢拖住果位同學仔慢慢行入左課室。唔知點解見到呢一幕,我又感動到鼻酸酸(我發覺人大左仲易喊~) 諗起自己時幾個好好感情的同學仔,到而家相識25年了,又隔左個太平洋,依然響whatsapp group成日傾計。純純的友情,就係由小時候互相關懷互相幫助建立了,如果細細同呢個同學仔一齊成長,可以keep到咁耐朋友的話,將來提起呢件憾頭事件,應該係個深刻回憶呢!