最簡單的快樂

兩個仔返左學一段日子,開始擁有自己的好朋友,每日返學好開心,小息一齊玩,食零食。好多時候放學返黎會話,媽咪我聽日想帶D小文具呀送比好朋友,又有時會同同學仔交換小物,好似貼紙仔,小擦膠等。其實咁樣好好,因為同學們可以將自己多出的同人交換自己無的,唔需要樣樣野叫爸媽買,同時又可以學習分享。兩個仔對此十分踴躍,近期差不多日日返黎都話聽日有野帶返去換,我就覺得,只要大家講好交換條件,其實無問題的,順便教埋佢地等價交換,例如同學仔不能次次用粒小擦膠黎換你一盒顏色筆,間中OK,但不能成習,大家換既野要係咁上下既。有時見到佢地願意將自己都鐘意既野送比同學,我會覺得佢地長大了,願意捨棄心愛的去令好朋友快樂。呢個係一個懂得關心別人,愛錫人既行為,值得高興!人嘛,自己擁有心愛既野係開心,但同時識得去分享,帶比別人快樂亦係人生其中意義!

 

佢地呢個小行為,又令我回憶起自己時,都經常同同學仔交換貼紙,同埋當時好流行既書簽。好開心呀!因為廿幾年前既書簽簿而家仲跟住我,每張書簽背後都寫左一D其實當時跟本唔明,但意重深長既祝福,亦有同學仔簽名。果時好興交換信件,內容無聊,但而家睇返呢批發黃字濛既信,10歲學人寫人生意義,珍惜珍重,真係好好笑,睇返真係又感動又懷念,呢個就係我既回憶了。珍惜珍重,廿幾年後我總算學識了,同學們,你地呢? 願大家平安快樂!

 

11062251_10153582017556586_1640627482097909872_n

12938264_10153582017511586_4597778432534514553_n