【夏遊關西】竟然咁少人知 大阪平靚正的地方(上集)

岩岩去完兩個禮拜返港,想介紹下D大家不常去的,比大家多幾個選擇,方便黎緊暑假 plan親子行程。之前提過既好多都係觀光同玩樂,今年兩個仔大個D ,可以帶佢地去多D學習性既地方,見佢地好鐘意,值得推介一下>>阿倍野地震防災館 (地下鐵: 阿倍野站) 。

127a

上次去時望到一張佢既宣傳單,決定下一次要黎望望。響美國時去過Earthquake Center,果邊間中都有地震,所以覺得帶小朋友去學習係好好既節目,當中除左教識小朋友地震時應變外,亦比小朋友了解一下地震帶黎既破壞可以有幾大,自己可以安居樂業其實唔係必然,要珍惜安穩。

我地平日去,好少人,原來係要一早上網或打電話去預約的,免費參觀。有唔同既體驗項目,逐個體驗都得,職員好好人呀,我地唔知要預約,佢都派左一個職員帶我地體驗左幾個主要項目,我地試左地震後響屋企要做既事,關掉所有電源,之後濃煙逃生,又學用滅火筒救火,呢D 呔仔細細好有興趣,第一次用堅野,覺得好勁!之後去左一個仿災區了解,好真實,好壯觀!教我地地震後來D 電線,吊牌都會跌下,街道亦好多陷阱,點樣防避等。覺得雖然香港無地震,但去體驗一下好有用,因大家都愛去,突如其來可以兩手準備。建議小朋友大少少再去先會跟到指示,體驗頗認真的,地震唔係講笑架!

127d

127e

127b

127c

另一個比小朋友學習既地方係「市立自然史博物館」(地下鐵: 長居站),好適合鐘意大自然小昆虫既小朋友。

市立場館一般入場費好平,大人只係幾百 yen ,小朋友好多時係免費,目的係比小朋友學習唔同知識,呢方面佢地做得好好,值得欣賞。

128b

128d

128g

館內兩層,上下層分左幾區,差唔多全是標本,好多好多未見過既大大小小動物、昆蟲、大自然生物等。海陸空都有,呔仔細細睇到哇哇聲,不斷研究。除左超多標本,仲有勁大恐龍骨館,好驚喜!最利害係果渣好難讀既恐龍種類名,佢地識得晒!估唔到平平無奇既市立博物館有咁多野睇!

而同一張門票,原來包埋行過隔離睇植物的,果邊就細少少,睇既野差唔多,有時間都可以去埋,都值得推介。