公平考試真的公平?

早前睇到一張圖畫,畫中有一群動物,有馬騮,企鵝,象,魚,海獅同狗,然後考官出左一個考題要「公平地」考驗呢群動物,題目係: 鬥快爬樹!

5232012052424iwsmt

呢張圖確實好值得我地反思,究竟用同一個考試題目,去評核佢地既才能,真係公平嗎?

情況就等於依家既制度,大中,每個學生都進行同一個考試,用同一份試卷去評核所有人既能力。考得叻既可以晉級,得到讚賞;而考得差既可能會留級,被人覺得唔努力,無用!對我而言,呢種聲稱公平既考試,根本係世界上最唔公平既東西!

shutterstock_142997998

不是嗎? 雖然我地都係人類,但每個人既資質同潛能,與生俱來就完全唔同,就如圖中不同動物,夾硬將佢地擺響同一個秤去量度,結果馬騮輕易成為爬樹冠軍。而其他動物就等於無用了嗎? 錯喇,如果測試變成游水呢? 變成賽跑呢? 變成滑冰呢? 今次可能到馬騮要包尾了。

我地作為父母,好多時會不自覺地跳左入一個基制框框,會以學分黎評估自己既小朋友。就好似學校係唯一世界咁,為左自己小朋友能夠成為「別人眼中既叻仔」而不斷催谷,無真正了解自己小朋友既潛能,幫助佢地發揮專長。好似我兩個仔細個,佢地書本學習方面唔係好標青,但佢地對科學發明方面好有興趣,又鍾意自己研究唔同事物。我覺得咁樣好好呀,唔需要各科成績標丙,只要佢地對自己有興趣既事衝住去學,已經係我心目中最好既了。

shutterstock_301526933

希望大家都記住,每個人既學習傾向同潛能都唔同,同一把尺,根本只可度量一個人,而呢把尺,唔應該係學校老師比我地。我地自己做父母的,自有一把用黎量度自己小朋友既專用尺!自己細路自己度,唔需要因為別人一句不公平評語,就睇小自己既細路,覺得被比下去。公平來講,只有我地先最了解自己小朋友既潛能,只要擺岩位置,鼓勵佢地發揮所長,魚就去游水,企鵝就去滑冰,其實每個小朋友都可以係冠軍!!