罰你是在教你 學會聽從指示?!

近日有父親因小朋友太難教,對小朋友作出。而當小朋友被罰「跪過馬路」時,被看不過眼既途人報警,成為網上熱話,更推上報章頭條。此事件引起大眾紛紛討論別人應該如何教仔。

對於報導指父親唔肯認錯,老老實實,我真係唔知個父親要向邊個認錯。老土講句家家有本難念的經,本經唔係你念時,你根本無資格去評論別人,更莫講話要佢向邊個道歉,即使要認錯都唔需要向公眾交待吧!當然,我地個法治社會係有規矩既,點罰都唔可以傷害小朋友,咁樣係瘧兒,係犯法的。

別人教仔對與錯,我就唔評論了。反正每個小朋友性格唔同,教法自然唔同,而點樣既方式先係最適合自己小朋友呢?

講下我自己吧,兩個仔8歲 同7歲,兩個唔同性格的。7,8年湊仔經驗唔算多,叫做開始摸清佢地既性格,受軟定受硬,用咩方法可以教得好佢地,點樣可以唔勞氣又達到效果,我開始掌握到了。

8歲大仔性格善良敏感,細膽易緊張,好小事都可以纏繞佢一段時間,緊張有壓力時佢又有抽動症(即重覆做同一個動作,但不是妥瑞症)。因此呢個仔絕對不能,因為恐懼會留下令佢不能磨滅既陰影。又咁講啦,以佢呢種性格,惡唔出樣,根本唔會激到你要發癲要佢,所以呢個好易教,係要長氣D,有耐性地解釋佢就明白。

細仔就難攪喇,好細個已唔驚死,最愛挑戰我地容忍能力,你愈叫唔好佢愈專登做!如果講罰得最甘既一次,就係罰佢地企左6個鐘,而點解係6個鐘呢,因為佢地頭3個鐘係玩住企,所以唔計,到佢地真係覺得比我罰緊喇,果時先開始計,果次真係全日企左響度,企到腳軟。自始以後,一講話會罰企,兩個就知驚,D野拿拿聲做唔使我勞氣了。

我覺得,適當的懲罰,如罰企,罰唔可以玩玩具,或捐走佢最心愛的玩具等等,係可以收效的就不妨一試。相反如果不斷懲罰但轉頭又故態復萌,咁父母們真係需要了解下小朋友犯錯當中原因,尋求更適當既解決方法了。