在地球的另一邊見識教書的最高境界!

兩個仔好適合美國呢邊既,因為們嚴格得黎,並唔會阻礙佢地天馬行空既思想。由於我做義工幫手預備功課等,會多機會見到佢地班上情況,好多無聊又有趣既事情,會鼓勵同學繼續,亦會搭咀,成班小朋友響度笑,好開心的學習生活。我諗,在我地大人黎講無聊既野,對小朋友而言其實並不無聊。如果你用心去聽,仲會回應的話,佢地會覺得受到尊重,同時亦會學識尊重別人。諗下如果小朋友覺得大人講既野無聊,佢地無興趣聽,係咪可以一句話:好沒趣,唔想再聽! 就叫大人收聲呢?

而7歲8歲小朋友,就算滿口無聊,都會好專心聽每個學生講野,唔會聽漏的,仲會正面回應佢地,我見到咁用心對學生,實在感激,亦好欣賞!

而且唔會比較成績好或唔好, 又或者乖同百厭的既學生。我見有D平時好百厭,成日搞事既同學,一樣對佢地好友善,而我亦睇到長遠既效果,係正面而良好的。如果以我地細個響香港讀書,乖既同學一定得到歡心,而百厭的一般會被針對,至少唔會同乖的一樣對待吧!其實咁樣都係惡性循環,佢百厭佢壞,唔理佢,無人感化,佢愈覺自己被放棄,多數一直衰落去。香港風氣就係咁樣,唔會了解小朋友內心,只會好表面好膚淺的比較,演成歪風!而兩個仔既,真係做到有教無類,百厭的不會被忽視,人人平等,係教書既最高境界!

有時真係覺得好似父母咁,種幾多得幾多,用幾多心放落去比小朋友,係從小朋友反應睇得出。閒時愛同同學講笑,會講自己既野比班學生知,因為仔放學會話比我知隻小狗叫Gracy, 幾時結婚,又去過咩地方旅遊等等。而我見到堂上,每當一聲令下,大家即刻靜晒,專心讀書做堂課,就知道成班同學對既尊敬。由此體會到,其實做唔需要惡或要小朋友驚,反而付出時間同愛心,互相尊重,效果遠比小朋友因為驚被罰而聽話,來得更正面、更有益小朋友身心成長呢!