亞洲教育歪風襲美 外國老師搖晒頭

香港歪風,不停不停催谷,務求仔女成為學校尖子!迫到班小朋友失去快樂童年,一個個中學生受不住讀書壓力而輕生,呢個情況大家都知道有幾恐怖!而一向於美國,正正常常返學讀書,根本唔會被淘汰,小朋友讀得開心之餘,直上中學大學並唔係難事。但就因為愈來愈多亞洲人移居美國,入鄉又不隨俗,個個帶住競爭唔蝕底既心態,係咁谷D小朋友去,將歪風帶到美國,令班外國老師搖晒頭。

 

正所謂有亞洲人既地方,就有社!真係唔明點解,明明小朋友進度無問題,都要佢地去。從前班,只係會出現響跟唔上既小朋友身上,而家出發點變晒,社係教緊D上堂都未學既野,務求要班小朋友行先叻先,咁D家長先覺得比錢比得抵!聽過一個家長話,如果社又係教返學校教緊果D,咁使咩比咁多錢去學? 其實,佢知唔知自己講緊咩?? 就係呢D人,催迫自己小朋友,又害埋我地呢D正常既被比下去!

 

 

之前家長日都有同老師提及問題,佢話千祈唔好咁做,因為係不停咁做,好機械式,唔會用腦思考,好阻礙小朋友思維發展。而預先教左課堂會教既野,小朋友行太前,係令老師們好困擾既事,因為小朋友響學校接觸新既知識,果種投入同滿足,係可以令全班同學學習得好好。如果個別同學已經識左,佢地唔會太投入於課堂上既學習,覺得沒趣,又或者爭住答,令唔識既同學比下去等等,都係不良於學,絕對唔係好事!老師話只要專心上堂,返屋企再複習一次,已經好足夠,唔會跟唔上。

 

本身都唔覺美國呢邊有太多歪風,但近日見到有北美媽媽群組share出黎既學校顧問個案,原來歪風已漸漸吹大,唔少催谷子女既家長求助。其中一個話小朋友一直成績名列,但高中後成績變差,壓力下更患厭食,最後連心儀既大學都入唔到,好後悔之前迫得太緊,無注意小朋友既情緒等。唉,好多野係積積埋埋,小朋友唔出聲,唔代表佢鐘意,可能努力只係為父母期望,到某個位就谷爆了。大家都引以為鑑,希望小朋友讀書叻之餘,亦有個健康快樂的成長!