仔仔問乜嘢係「後母」,我會咁答…

有日放學,大仔問我:「媽咪呀,咩嘢係呀,係點樣架?」我好奇點解佢會講起呢樣嘢,原來佢有個同班同學,爸爸媽媽離咗婚,個同學依家同爸爸及一齊住,小息時大家講起,所以佢放學就問我。由於我兩個小朋友都係仔,佢哋細個無聽過灰姑娘嘅故事,唔知咩係。童話故事一般都將塑造成變態惡毒嘅女人,一定會對繼子女施毒手的,所以一般細路都好驚後父呢樣嘢。

 

好似我咁,爸爸響我好細個時離開咗,之後媽咪結識咗男性朋友,我都必定親自搞破壞,當時係好怕有叔叔搶走媽咪,覺得叔叔唔係好人,更害怕會有後父呢個人出現。當然,大個先知道,咁樣係破壞咗媽咪得到幸福嘅機會,但小朋友想法就係咁簡單了。

 

人大咗,發現其實後父都唔係咩一回事,最重要都係父母兩個人相處得好,大家有個伴分享傾訴,當然最好就係對另一半嘅仔女都好,當親生一樣愛護。新聞時有報導,就算親生父母都可以唔錫自己仔女,甚至虐待,所以唔可以話親生一定好,後父一定衰,每個家庭既命運都唔同吧。

 

 

做仔女幸唔幸福其實都係睇彩數,睇吓父母係個點樣嘅人,呢啲真係唔到自己控制。當睇到呢啲虐兒新聞,可以把握機會教導小朋友,幸福唔係必然,父母唔一定愛錫仔女。當自己有個好爸爸好媽媽,全心照顧同愛錫自己,就要更加珍惜,更加愛護屋企,唔好做壞事令父母失望。

 

同時我亦教導佢哋,係一個自由開放既國家,其實好多人嘅家庭背景都好複雜,兄弟姊妹可以全無血緣,父母結婚離婚好多次唔係奇事。我哋生長於中國人家庭,對呢啲事可能接受能力較低,但都要教懂兩個仔尊重他人嘅意願。好似大仔嘅同學有,我教佢知道呢啲事嘅時候唔好覺得怪異,每個人都有權選擇自己開心生活嘅方式,即使他人同自己選擇嘅唔一樣,又或者唔係自己受接得到嘅事,都要尊重別人,唔可以講一啲傷害別人嘅說話。

 

 

我認為從小學懂尊重不同文化,對長大後處理人際關係很有幫助,父母亦可以從不同事件中教導仔女建立正確人生觀。