如何面對妊娠糖尿(下)

500-350_17初初見到小冊子內的飲食表,都真係好灰,我鍾意食嘅飯、麵包、生果及甜品,通通都要減量甚至盡量唔可以食,好彩蔬菜是冇限制,可以任食。

為咗BB健康,唯有忍~忍~忍~。但唔想往後12個星期唔開心,變產前抑鬱,我就在選擇食物配搭上花點心思。

以下分享一下我一日6餐食啲乜啦!

 

FullSizeRender-2早餐:我多數吃一至兩片多士(全麥包最理想,不過街上真係全麥的麵包唔多),加一杯熱檸檬水。另指明最好吃一份肉,我有時會加一塊火腿或烚隻雞蛋。因為1隻全蛋相等如一份肉。

 

IMG_2043第一餐小食:1杯脫脂奶 +3塊梳打餅是最悶的選擇。想食得開心啲,我會以低脂乳酪,加生果及小量低脂粟米片代替,感覺好似食甜品咁,個人都開心啲。

 

FullSizeRender copy在選擇乳酪方面,記住要選低脂或0%Fat的。個人喜歡Greek/Greek Style嘅乳酪,口感厚身啲杰啲,有食雪糕的感覺,食起上嚟心情都好啲呀!這隻是馬莎的出品都唔錯,$50有找,唔算貴,推介!

 

FullSizeRender午餐:要求是要滿足5份碳水化合物,及3份肉,另加蔬菜。

IMG_3158我通常會選擇米粉、通粉,烏冬或意粉等,配些魚蛋/魚片/瘦肉/去皮雞肉,跟住烚一大碗菜。調味方面最好盡量清淡,少油少豉油少蠔油之類,建議改用芝麻油、胡椒粉及少量鹽調味。

 

IMG_0375除咗湯粉,我有時都會整一大碟沙律俾自己嘆,由於蔬菜類不限,可以選自己喜歡吃的蔬菜,加少量生果/果仁,及肉類如去皮雞肉或牛肉等。

 

IMG_0481在家自製沙律就放心好多,我會先以水浸洗一次,之後再以煲過的水沖洗一次,最後想啲沙律菜爽脆啲,可以再用冰水洗一次呀。而沙律醬方面,要健康唔肥,當然最好用橄欖油溝黑醋啦。

 

下午茶時間

IMG_1771可以吃生果加餅乾或一個小麵包。有時冇乜胃口,我會整個迷你乳酪沙律,加少少生果及堅果類,又一餐。

晚餐:

同家人一齊同枱食飯,自己盡量多菜少肉,配平碗白飯一碗,調味盡量不加糖或少糖少鹽。

宵夜:

有時真係食唔落咁多嘢,可飲杯脫脂奶或吃個生果便算了。

這段時間,我大部份時間都好跟指示食嘢,但有時人總有惰性及鬆懈的時間,又或有朋友相約街外用餐,其實個人認為一餐半餐也不需要太執著,知道要出外用餐的前一兩天,自己真係檢點啲,食得清淡啲,仲check住血糖,不過6的話,我會俾自己偷偷吃點甜品,如班㦸或一件小蛋糕,平衡一下心理嘛!哈哈。

捱過了這段日子,就當自己減肥節食吧,當初25周開始,真係見自己肥得好快,好似每兩三日就重一磅咁,都真係有啲擔心,依家戒咗口,將近生了,增磅大約25-27磅,都算OK不過重吧!

**以上餐單純粹個人分享,如有任何疑問,最終應因應個別情況諮詢個人或醫生。