advertisement

成日話香港小朋友讀書壓力大,其實除咗要讀書叻,小朋友藝術天賦都不能忽視,好似讀設計出身嘅梁詠琪,呢排就成日陪囡囡做勞作,培養小朋友美藝觸角之餘又促進親子感情,一舉兩得!


梁詠琪日前在微博與大家分享她的親子手作,Gigi這款手作簡約又好看,毋須黏貼,製作過程超簡單,幾張顏色紙和幾支顏色筆,就造出色彩繽紛、飛來飛去的紙蝴蝶!


囡囡Sophia對紙蝴蝶愛不釋手,Gigi更謂這樣就玩了個多小時。


Gigi近來對小朋友手作仔情有獨鍾,日前她就與囡囡一齊製作薑餅糖果屋


小朋友一手一腳佈置,Sophia應該好大滿足感!Gigi仲大讚囡囡冇偷食,真係要畀個 LIKE 囡囡先得!

 

各位媽咪,其實只要超簡單素材,就可以好似Gigi咁,享受到高質嘅親子時間,以下就同大家分享一啲聖誕佈置嘅靈感啦!


簡單一個廁紙筒,已經可以化身可愛雪人,好有聖誕氣氛(圖片:craftaholicsanonymous.net)

 


除咗雪人,當然少不了聖誕老人,只要一隻紙碟以及一張紅色紙,已經可以做到神似嘅 Santa 手作;啡色紙就可以整到鹿仔Rudolph(圖片:iheartcraftythings.com)


一隻紙碟仲可以整到小天使(圖片:craftymorning.com)

 

其實上網鍵入 xmas papercraft,就可以搵到好多簡約又精緻嘅聖誕手作靈感;如果嫌紙手作太簡單,都有好多其他玩法:


好似小編咁就搵到呢款好靚嘅玻璃畫效果聖誕吊飾,原來係用「串珠仔」嘅透明膠珠仔,倒模放入焗爐整成,真係相當有心思!(圖片:onelittleproject.com)