advertisement

張敬軒經常在社交媒體出post分享家傭姐姐為他準備的早餐,為大家帶來不少笑料。不過他「早餐KOL」地位好可能被動搖!日前張栢芝於社交媒體上載短片,分享自己晨早4點幾起身,為3個兒子準備3款不同早餐,相當有心思,短短兩分幾鐘片段在網上引來極大迴響!

張栢芝煮早餐|示範雞蛋3種食法:4點幾起身為3子準備3款不同早餐

張栢芝心疼仔仔:「工人淨係畀個包佢,見到都唔想食。」

張栢芝在片段中指自己4點幾起身為3個兒子準備早餐後準備出街跑步做運動,趁兒子起身食早餐之前的空檔與網友分享她的煮早餐心得。張栢芝在片段中提到有時見到家傭準備麵包給兒子做早餐:「工人淨係畀個包佢,見到都唔想食。」於是一有時間就親自動手整早餐。由於3個兒子口味各有不同,她準備了3款早餐。

張栢芝為兒子準備早餐:3個仔要食3種蛋

片段所見張栢芝煎了兩隻荷包蛋給大仔Lucas,而比較「嘴刁」的Quintus,就得到媽咪特意炮製的三隻滷水蛋:「尋日整咗一大盤滷水雞翼,特意用十幾廿蚊買了滷水汁,整完即刻倒掉實在浪費,二仔Quitus鍾意食滷水蛋,就特登煲三隻蛋畀佢做早餐。」而她又為3歲細仔準備了三色豆火腿絲蛋花湯通心粉,聽得出栢芝慳家得來又對3個兒子十分貼心。

張栢芝煮早餐|示範雞蛋3種食法:4點幾起身為3子準備3款不同早餐
張栢芝為Lucas準備了煎雙蛋早餐。

張栢芝煮早餐|示範雞蛋3種食法:4點幾起身為3子準備3款不同早餐
二仔Quintus口味刁鑽,張栢芝特意為他準備三隻滷水蛋做早餐。

張栢芝煮早餐|示範雞蛋3種食法:4點幾起身為3子準備3款不同早餐
3歲細仔要食BB餐,火腿魚蛋三色豆湯通粉。

最後栢芝交代自己會梳洗一下等待5點45分叫醒兒子起身返學,又鼓勵新手媽咪DM她一齊分享煮早餐食譜(?!)片段就結束。

A post shared by (@) on

除了分享短片之外,張栢芝在社交媒體又寫到:「三個兒子的早餐,工人姐姐未起身我已經整好曬(晒),同工人姐姐一齊分工合作照顧孩子,對我來說是一種互相愛護包容的時光,他們常常說等工人姐姐做啦你唔好咁辛苦啦!」張栢芝也堅持在不用工作的日子,親自花點心思為兒子準備早餐,讓小朋友食得開心,有氣有力返學。相信好多媽咪都認同,見到仔女食得開心,朝早起身整早餐幾辛苦都值得!

張栢芝的早餐片見街後,網民都大讚她親力親為照顧兒子,又有網友指常常撞見她在街市買餸挑選食材。不過亦有新手媽咪挑機指小朋友早餐半個鐘就搞定,覺得張栢芝整早餐不算很厲害。其實每個媽咪早起煮早餐都是想見到小朋友食得開懷醒神返學,又何須互相比較呢?