張致恆2歲半大仔張天寶報名幼稚園入讀K1，爸爸的Steven親身參加學校簡介會，但日前他突然在IG怒斥遭學校岐視，更暗示因為自己的原因而不獲該幼稚園取錄，他感到十分憤怒更指「唔通我個仔就唔配讀書？」。

張致恆貼「張天寶爸爸label」參加學校活動：我好鍾意做爸爸呢個角色！

近日不少小朋友正在報考稚園，張致恆2歲兒子張天寶也是其中之一。張致恆早前以爸爸的身份親身出席學校活動，身上貼上「張天寶家長」的label。日前他在個人社交媒體IG分享爸爸心聲。曾是藝人的他，通常被稱呼為張致恆，在幼稚園被稱呼作「張天寶爸爸」，對於這個特別的稱謂張致恆不單止受落，更令他相當感動，有感而發表示：「我好鍾意爸爸呢個角色！」

A post shared by (@) on

事隔數日，張致恆的心情卻急轉直下，他再次在IG貼相發文分享，指自己為兒子報名時被校長歧視，他又引述自己親身聽校長曾經所講「唔會放過教任何一個小朋友嘅機會」，如今卻知道因為自己的身份，令到兒子連面試的機會都不會有。他更賭氣地表示「難道我個仔就唔配讀書嗎？」

由於張致恆在發文時沒有仔細說明發生過甚麼事情，他亦刻意不提該幼稚園的校名，所以亦難以得知當中發生了甚麼事情，亦因此引來不少網友猜測，對此事張致恆老婆雯雯就特別列舉十點聲明回應以下是雯雯的回應原文：

1. 我個仔冇報任何名校。
2. 我個仔冇報任何喺九龍塘嘅學校。
3. 我個仔係未做任何學校嘅面試。
4. 身教係好重要，但係我個仔爸爸唔係殺人犯，佢只係犯咗10個有9個男人會犯嘅錯，咁樣並唔代表佢個仔一樣會犯呢個錯。
5. 我個仔只有兩歲半，佢將來會係一個點樣嘅人冇人可以預知，所以冇人有資格去批評佢。
6. 如果一個小朋友連面試都未面，個校長就話唔收，咁樣會唔會太過有問題。
7. 我哋從來冇渴望過一定要入呢間學校，冇接觸過個小朋友就話唔收，我都唔會想我小朋友讀一間咁樣嘅學校。
8. 你哋全部都只係睇表面，只係喺度停留係一件2019年發生嘅事，而家都已經2021年，如果呢段時間你哋係有喺張致恒身邊同佢相處，兩年後嘅佢係一個點樣嘅人，你就有資格去講，但係如果你仲停留喺兩年前，不如你而家了解咗先去評論咁多嘢。
9. 我哋係窮，但係並唔代表我個小朋友冇資格去讀書。
10. 我係唔會畀任何一個機會有人可以去傷害我嘅小朋友。

從雯雯的聲明中得知仔仔張天寶根本未參加任何面試，但張致恆已知道自己的兒子不會被學校取錄，即是連面試的機會都沒有。現時許多學校都標榜一視同仁，無論如何都會給予小朋友一次面試機會，而張致恆仔仔直接被通知不獲安排面試，難怪他和太太都如此激動。既然校長已經明言或暗示不會取錄張致恆兒子，他們似乎要繼續為學校面試而繼續努力了。

小編也祝福張天寶小朋友可以得到一間適合他的幼稚園取錄，好好享受開心的幼稚園生活！