advertisement

無論選擇自然分娩還是開刀,BB出世當日都教人畢生難忘。育有一對仔女的鍾嘉欣,大女Kelly已5歲半,細佬Jared現已3歲半。日前她於個人YouTube Channel 與網友分享大女Kelly出世的驚險經歷,不乏驚心動魄情節:怕要折返忍痛遲遲未入醫院、叫奶奶整蛋治食完一份又一份、入到醫院被護士認出、檢查發現已開到8度,順產後行去廁所時下體大量出血暈倒……事隔多年,所有經歷都仿如近在眼前,鍾嘉欣分享完自己都覺嚇親人笑笑口話:「我原意唔係講出嚟嚇大家!」到底她生B時經歷了甚麼?

鍾嘉欣生B回帶|回憶第一次分娩經歷:希望唔好嚇親大家
圖片來源:鍾嘉欣 IG

鍾嘉欣生B回帶|回憶第一次分娩經歷:希望唔好嚇親大家
鍾嘉欣拍片分享生第一胎經歷,講到緊張更加七情上面!(圖片來源:鍾嘉欣 YouTube截圖)

鍾嘉欣生B回帶|回憶第一次分娩經歷:希望唔好嚇親大家
鍾嘉欣與囡囡Kelly十足餅印。(圖片來源:鍾嘉欣 IG)

鍾嘉欣分享:徹夜難眠但未準備入院有原因

鍾嘉欣2016年誕下大女Kelly,視女兒為心肝寶貝,就連facebook page都都叫「kellymommy」。女兒出世當日的經歷仍記憶猶新。鍾嘉欣回憶感受到作動當日感覺很奇妙,覺得女兒快將出世,但因為溫哥華的醫院要子宮開到5度才可入院(1度最低,子宮全開為10度),不然會被叫回家中。所以她晚上雖然開始「有感覺」,但都沒有叫醒老公陪她入醫院。

鍾嘉欣分享:入院前狂食蛋治 食到見紅先肯入院

直至早上她的宮縮愈來愈密,於是去到老公診所告訴他女兒出世,又先淋浴及拿出「走佬袋」準備入院。但落樓時發現自己極肚餓:「行落樓梯時我覺得自己好肚餓,我一肚餓就乜都做唔到,到時點用力生BB出嚟?好在奶奶及時趕到,我叫佢幫手整份蛋治畀我食,我又食咗成碗燕麥圈早餐,點知食完都仲好餓。」鍾嘉欣食完蛋治仍未飽,又叫奶奶做多一份蛋治給她吃,但轉頭去廁所即見紅:「奶奶於是叫我咪再掛住食,快啲坐車入醫院。」

鍾嘉欣分享:坐住輪椅被認出  護士提醒「仲掛住填表?快入產房」

鍾嘉欣老公十分周到,事先準備一張輪椅,到達醫院後推住老婆,周圍找婦產科所在地。好不容易找到正確位置填表準備入院:「有個亞洲面孔嘅護士認得我係鍾嘉欣,佢見我當時狀態,坐喺輪椅上面嘅痛苦表情,即時提我唔好再嘥時間填表,要即刻入產房!」到達產房助產士亦準備就緒,助產士即幫她檢查,一摸之下發現她的宮口已開到8度,問她為何等到這個時候才入醫院。

雖然事隔多年,進入產房後的細節鍾嘉欣仍記得。她記得產房有個面罩可以吸氧氣,但她覺得是精神安慰多於實際用途,反而她入院前奶奶準備了一支凍水、幾支雪條和果汁給她,竟意外幫她止痛。「一痛我就大嗌my juice 、my juice,估唔到真係有用。」

鍾嘉欣生B回帶|回憶第一次分娩經歷:希望唔好嚇親大家
鍾嘉欣奶奶竟然想到食雪條止痛,又原來十分有效!

鍾嘉欣慶幸有驚無險,女兒順利出世。但B女出世後她即「出事」:「生完BB想去廁所,當我行去廁所時,下體忽然血流如注,我眼前一黑即時倒地,雖然聽到周圍嘅人緊張為我急救,但已全身乏力。」經檢查後,醫生要她留院觀察,子宮正常慢慢收縮就可以出院。幸好最後有驚無險,鍾嘉欣經休養後,終於可以抱着女兒順利出院。

鍾嘉欣生B回帶|回憶第一次分娩經歷:希望唔好嚇親大家
圖片來源:鍾嘉欣YouTube截圖

鍾嘉欣生B回帶|回憶第一次分娩經歷:希望唔好嚇親大家
圖片來源:鍾嘉欣YouTube截圖

短片後段鍾嘉欣總結自己的生產經歷,覺得這一天絕對畢生難忘,她亦相信人人的生B故事(Birth Story)也是獨一無二的。雖然已經是5年多前的事,聽鍾嘉欣肉緊地回憶女兒Kelly出世當日老公的緊張、奶奶的關懷備至、護士動悉她狀況後的建議、與助產士的對話等等,全部如同眼前經歷一樣,是一份畢生難以磨滅的珍貴記憶。

短片最後鍾嘉欣又預告不久將來,將會和大家分享細佬Jared的Birth Story,她之前都分享過二仔是在家分娩出世的,相信會有不少有趣和難忘的細節與大家分享。

鍾嘉欣生B回帶|回憶第一次分娩經歷:希望唔好嚇親大家
鍾嘉欣在《星空下的仁醫》飾演兒科醫生。(圖片來源:鍾嘉欣IG)

鍾嘉欣生B回帶|回憶第一次分娩經歷:希望唔好嚇親大家
(圖片來源:鍾嘉欣IG)

鍾嘉欣生B回帶|回憶第一次分娩經歷:希望唔好嚇親大家
(圖片來源:鍾嘉欣IG)

以下是鍾嘉欣YouTube頻道的短片,以英語拍攝並附有中英文字幕,各位身手媽咪看過鍾嘉欣的Birth Story後,會否也想起自己獨一無二的Birth Story呢?