advertisement

不少新手父母都希望仔女青出於藍,日後有所作為,有安逸的生活。因此許多父母都會用力幫助子女追逐學業成績,期望讀書可以令他們日後生活有基本的保障。小時候「讀書唔叻」的姜濤,早前於美國華語節目「偶像名人堂」中接受訪問,提及父母小時候的教養以及自己的成長心路歷程,訪問內容或者對新手父母也有啟示。

相信孩子會有成就|姜濤受訪提及父母:媽咪覺得我讀書唔叻會有其他嘢叻
姜濤早前於美國華語節目「偶像名人堂」中接受訪問,近日在網上再度熱傳。

姜濤媽媽相信兒子:讀書唔叻,會有其他嘢叻!

姜濤讀書時期成績強差人意,中學時期更曾經因此被踢出校。但他出道之後,不少曾經跟他合作過的人都大讚他謙虛有禮貌,認同他的品德和教養。姜濤接受「偶像名人堂」主持訪問時,分享父母自小管教方法頗「佛系」,對於他想成為明星沒有阻止也沒有大力支持:「佢哋雖然唔會由細到大支持我彈琴唱歌跳舞,只係由得我去做自己想做嘅嘢,而佢哋支持到嘅都會支持。」

A post shared by (@) on

回想從小到大父母的教養方法,姜濤最感恩媽媽由始至終相信他必定有所作為:「我由細到大讀書成績都唔好,但佢哋都唔覺得細路仔一定要讀書叻,尤其是我媽成日話:『你唔讀書咪可能其他嘢叻囉!』」這句說話姜濤媽媽常掛嘴邊,姜濤至今仍印象深刻。

相信孩子會有成就|姜濤受訪提及父母:媽咪覺得我讀書唔叻會有其他嘢叻
姜媽媽在姜濤參加《全民造星》時曾刻意打扮在姜宅陪伴兒子接受訪問(電視節目截圖)

「我覺得每個家長都唔好忽略細路仔嘅聲音,因為佢真心想做嘅嘢,你畀少少支持,佢慢慢真係會做到。」雖然不是每個小孩子長大後可能有姜濤一樣的非凡成就,父母能夠尊重孩子的聲音,也必定會得到孩子的真心感謝和尊重。

姜濤自評不算特別孝順

好多網民都盛讚姜濤孝順又乖仔,對此姜濤在訪問中也有回應:「我唔夠膽講自己係孝順,我都會同父母嗌交或者有意見不合嘅時候。我嗌交時都會講出一啲好難聽嘅說話,只不過人大咗,我諗每一個人大咗都會孝順自己父母,我覺得係好基本嘅。」

相信孩子會有成就|姜濤受訪提及父母:媽咪覺得我讀書唔叻會有其他嘢叻
一臉孩子氣的姜濤十分識諗,覺得有能力時回饋父母是作為兒子的基本責任。

姜濤又認為只要自己能力所及,都應該支持父母退休後的生活:「若果你今日有一萬蚊人工,都可能會盡自己能力畀幾千蚊父母。自己有幾多能力就畀幾多。我哋作為artist,好多時只係畀人放大咗,被讚好孝順,可能只係好美好嘅標籤貼喺我哋身上。我覺得我只係做咗一個仔要做嘅嘢,唔係特別叻。」

堅持善良是一種選擇,姜濤的品格很大程度是來自父母的身教。未必每個孩子將來都能像姜濤一樣,得到令父母喜出望外的成就,但可以肯定的是,姜濤媽媽當日相信自己孩子,鞏固了今日的親子關係,也令兒子得到一份畢生感激的禮物。

姜濤接受華語電視「偶像名人堂」訪問完整版: