孫慧雪兒子有繪畫天份 選讀國際學校預備班因材施教

小朋友天賦係父母遺傳，亦可能係後天培養，如果父母可以多加鼓勵以及栽培，可以令小朋友更有自信，發揮所長。孫慧雪仔仔 Riley 就讀天主教聖瑪加利大幼稚園，係「超級童星」李元元師妹。5歲 Riley 升上 K2，媽咪孫慧雪為佢揀選國際學校預備班，為未來升讀國際學校做準備。

孫慧雪兒子有畫畫天賦屢獲獎

孫慧雪係靚媽 KOL，平時與網友分享扮靚心得，同時又有兼顧演藝事業，最近《美麗戰場》出演「琳琳姐」一角，令她繼續成為追訪對象。除了演戲孫慧雪更要相夫教子，相當忙碌。

她在 IG 分享自己早前被睇相師傅指運勢越來越好，更加大有機會攞獎：「有個相士贈我幾句，（利申：本人唔迷信，但有親友送咗份睇相禮物俾我，只係好奇聽吓），佢話我年紀越大，運勢越好，嚟緊呢幾年，仲要有好多獎攞添，我以為係啲演藝獎，點知真係俾佢講中，攞咗好多獎，全部都係同小朋友一齊攞嘅親子獎。」更指自己下過不少苦功教導兒子，好開心可以得到獎項肯定自己付出過的努力。

孫慧雪仔仔畫畫填色屢獲殊榮，真係「攞獎攞到手軟」。

孫慧雪仔仔 Riley 就讀天主教聖瑪加利大幼稚園，是一間著名的優質幼稚園，該校有參加「免費優質幼稚園教育計劃」(舊稱「學券」)，扣減政府資助後的全年學費全免。。而李璨琛女兒李元元（Lucy）、吳日言女兒、周汶錡兩名兒子都是該校學生和校友。

國際學校 VS 傳統學校 父母要心中有數

孫慧雪兒子現時讀的是國際學校預備班，為未來升讀國際學校做準備。由於國際學校與傳統學校學制稍有不同，父母若想小朋友讀國際學校，就要提早準備。

而國際學校對於學生年齡的要求，不同學制之間也存在著差異：英國學制的學校，5 歲才能就讀Y1（一年級）；美國學制和加拿大課程則是 6 歲才能就讀 Y1（一年級）。

陳敏之兒子今年底滿 6 歲，已於今年 8 月開學時升讀國際學校。敏之更欣慰地表示：「感恩入到一間充滿愛嘅學校，一路直升上中學，我們安樂了」。

A post shared by (@) on

昔日文章 >> 星爸之選｜陳山聰仔仔讀深井隱世優質幼稚園、張達倫跟徐榮揀抵讀國際學校