advertisement

陳柏宇與太太符曉薇育有囡囡 Abigail 有女萬事足,一家三口樂也融融,不過符曉薇日前就拍片透露,自己剛於 5 月份經歷宮外孕,更因出血不止要入急症室做手術,最後決定切除了左邊輸卵管,雖然經歷傷痛,但休養之後仍可以再度懷孕。
宮外孕出血!陳柏宇太太符曉薇6月手術切除輸卵管
符曉薇與陳柏宇一直有共識,希望為囡囡 Abigail 再添弟妹,月前終於傳來喜訊:「5 月時知自己有咗,家人都好開心,有咗之後過咗一兩星期開始出血,腹部經常有痛,去睇醫生照完話見到胎盤位厚咗應該冇問題,自己都安心。之後繼續日日出血,個幾星期去覆診當日自己個肚痛得好嚴重,痛到以為自己盲腸炎,最終去咗醫院,一照之後醫生話我子宮大量出血。」

宮外孕出血!陳柏宇太太符曉薇6月手術切除輸卵管

修補容易再破裂 決定切除輸卵管

她回憶入院當日情況:「好記得嗰日係 6 月 1 號,我地緊急入院做手術,醫生話係宮外孕爆咗輸卵管,醫生都有畀我揀切除定修補,上網睇原來好多媽媽都有同樣經歷,醫生亦有講修補咗都比較大機會再破裂,亦見到網上好多人分享真係同一位置宮外孕,所以最終我決定切除。」

符曉薇決定手術後沒有特別緊張,但是 BB 保不住,她仍需要坐小月子調理身體:「做手術時唔係好驚,全身麻醉後做完手術被拍醒,呼吸好困難,一醒就嘔。返到屋企媽咪嚟照顧我,好似坐月咁,身體狀況都回復得七七八八。」

最難接受開心後落空

宮外孕出血!陳柏宇太太符曉薇6月手術切除輸卵管
符曉薇最近將長髮剪短十分清爽有型,她透露已養好身子但仍然有心裡難過的時候。

她現在仍在調適心態階段,更強調不心急再懷孕:「做完手術後諗咗好多嘢,知道冇咗後好失望又好失落,好失望係大家咁開心後落空,好失落係我哋真係好想多一個 BB 陪 Abigail,大家有個伴。」

 

她現時仍要克服心理陰影:「因為有第一次比較大機會有第二次宮外孕,醫生話其實 3 個月後已經可以再試造人。身體上 OK 但心態上其實未準備好,聽到人哋叫我哋快啲有 BB 會覺得好討厭。」

 

符曉薇在接受傳媒訪問時,透露自己拍片是想為同路人提供一個參考和打氣。現時並不心急再有 BB 的她,並不會考慮用人工授孕等方法嘗試再懷孕,一切順其自然,BB 一定會在最好的時間來臨。