母乳的回報 BB 3 個月吳若希腰線番晒嚟

吳若希嘅靚 B 女淼淼不經不覺已經 3 個月人仔,前日佢仲同淼淼 B 合照,幫淼淼 B 補祝 3 個月生日。

 


淼淼 B 同一堆史迪仔一齊慶祝 3 個月生日。

為咗將最好嘅嘢畀 BB,吳若希一路堅持餵母乳,母乳路一直都唔易行,佢喺微博度曾經話「原來餵母乳的媽媽有一種神奇的技能,只要聽到bb的哭聲,奶水就會自動流出來。」,嗰種感覺真係身為媽咪先明白。

 

 


吳若希產後休息一輪已經漸漸投入工作,而且身形回復得好快,唔只有番條腰,手臂都冇贅肉,相信好大部份係堅持餵母乳嘅成果。

 

 


媽咪餵母乳,BB 好長肉,淼淼嘅面包仔同蠟筆小新有得揮!

 

 


堅持餵母乳之後,淼淼 B 愈來愈肥肥白白,而媽咪都極速修身,BB 未到 100 日,媽咪已經回復窈窕身形喇,相信呢個成果亦係對媽咪最大嘅獎勵!

 

 

圖片來源:吳若希微博

 

advertisement