婚姻危機已解決！溫碧霞生日曬開心家庭照

上個月溫碧霞向傳媒承認出現婚姻危機，原來佢自從農曆新年之後已經冇再 post 佢同老公何祖光合照。冷戰接近半年，最近二人關係終現曙光，溫碧霞於 51 歲生日正日（7月30日）於博貼出一家人去旅行嘅開心合照，老公咁快「做到嘢」，的確犀利，亦證明大家仲好珍惜對方。

溫碧霞於微博貼文話：「謝謝你這些日子裡帶給我的快樂和幸福，我們一起笑過哭過以後，原來愛已經成為了我的習慣:) Ps謝謝你包容我的一切任性和自我:) love u always」仲貼咗好多心心圖案！短短一段文字睇得出呢個 1982 年嘅 《靚妹仔》 今時今日仲好少女心。

不過成件事除咗兩公婆大團圓結局，最開心都係養子 Xavier 啦。

呢張開心嘅合照，一切盡在不言中。

今年生日，呢個生日蛋糕一定甜入心！