母愛最大!吳綺莉發言撐囡囡卓林出櫃宣言

世間上有好多種愛,要講最偉大嘅,相信一定係母愛。昨日係國際出櫃日,唔少人都大膽企出嚟支持活動,吳綺莉昨日都喺微博發表撐囡囡卓林出櫃宣言,得到唔少網民大讚。

吳綺莉留言話:「如果連喜歡誰都不能講,活得再『安全』又有什麼意思。美好的社會,應該允許每個人開口說愛。今天是國際出櫃日,當子女出櫃時,願所有父母溫柔以待。」相信卓林睇到,一定覺得好窩心,就算會有人反對,有媽媽嘅支持已經足夠!

其實作為子女,每作出一個重大嘅決定,背後一定有過唔少爭扎同徬徨,呢個時候家人嘅支持,對子女嚟講真係好重要,所以真係要俾啲掌聲每一個媽媽,睇到呢度,快啲去同媽媽講聲「多謝」啦~

圖片來源:吳綺莉、卓林微博

advertisement