張達倫：新手爸爸的告白

啱啱升任做Daddy嘅張達倫，不脫暖男本色，不單止幫老婆湊BB，仲時時製造浪漫驚喜畀太太，夠晒窩心！達倫仲製作咗一個時間錦囊，留咗一段說話畀到時五歲嘅仔仔，一字一句充滿愛！

早前張達倫同太太Kimmy結婚一周年，BB就已經出咗世喇。雖然照顧BB咁忙，二人都隆重其事一齊去酒店食番餐飯，非常重視呢個重要日子！

太太Kimmy係美女一名，外型絕對不遜於達倫嘅拍劇對手（笑）！

兩公婆成日都喺社交平台放閃！達倫喺訪問入面提到自己時時會為對方製造小驚喜，維繫倆口子感情。

原來仔仔Zachary嘅英文名係囡囡（太太與前夫所生女兒，圖右）所改，呢個係達倫想出嚟嘅主意，佢希望為兩姊弟感情埋下種子，提醒二人彼此要相親相愛啊！

除咗上面與太太女兒拍攝嘅孕照，達倫一家最近仲影咗BB初生照，佢仲同仔仔仲赤裸上陣！咁太太有冇影埋一份？等佢自己話你知啦！