advertisement

2017 對於大佬B來講,是難忘的,不單踏入 30 歲,一個女生非常在意的年紀,更加孕育小寶寶,生下囡囡鄭嬰兒。

回望過去,大佬B也不忘講句多謝,令她做好準備成為一個稱職的妻子與媽媽。2018 年,大佬B和大家一齊,做足準備,重新出發!

 

 

去年亮相電視節目《KO KOL》,曾經係YouTube美妝天后嘅「大佬B」,近來相當低調冇乜搞作,原來佢去年中與老公「造人」成功,靚B「鄭嬰兒」喺去年 12 月出世喇!

 

 

新手媽媽 大佬B

靚B女「大佬B個B」鄭嬰兒於去年 12 月出世,趁佢食飽瞓晏覺我哋同佢媽咪做咗個短訪。

 

作為新手媽媽,大佬B產後迅速回復狀態,未坐滿月已經接受我哋訪問,仲不避嫌大談過去經歷。佢笑言非常多謝眾網友嘅支持,更感恩 haters 讓她上了一課,依家先可以成為一個更好嘅人妻與人母。

 

 

曾經係眾矢之的嘅大佬B,雖然「斬腳趾避沙蟲」將 facebook 專頁關閉,但仍然都享受於社交媒體與一眾好友 fans 開心 share 佢嘅日常生活。

 

對於過去,大佬B似乎已不再在意,但就話生咗囡囡之後,先知到做人阿媽原來唔容易,所以佢好後悔做女時反叛激親阿媽。睇嚟B女唔單止係大佬B屋企嘅新成員,仲令佢人生上咗重要嘅一課!

 

B女出世對大佬B嚟講有重大意義。

 

訪問仲未完,嚟緊大佬B會同大家分享 Bingo 嘅心聲同埋懷孕期間嘅扮靚心得,記得繼續留意 shemom 喇!