利嘉兒 – 笑談新手媽媽

提起利嘉兒(Lily),大家可能即時想起她於2002至2003年主持的電視節目《笑談普通話》,原來不經不覺已經過了十多年。利嘉兒結婚八年,去年九月誕下女兒劉書雅(Karyssa),陀B時已經43歲,絕對可以算是高齡產婦。她也十分感激,表示女兒出生是上帝賜給兩夫婦最珍貴的禮物。

A post shared by (@) on

為陀B食雪糕解話

一向做慣靚太的Lily,懷孕後仍然不悅貪靚本色,經常扮靚靚踏高跟鞋周圍去,更被傳媒拍到她陀B食雪糕。以為這位靚媽陀B很「佛系」,她卻表示:「我陀B時飲食很小心,問過醫生雪糕可以食。但其他生冷食物,好似魚生、汽水我都有戒,唔係因為怕凍,而係驚未煮嘅食物,同埋街外食物嘅冰粒易有細菌。」

Lily陀B都不忘扮靚,經常悉心打扮出席公開場合。

A post shared by (@) on

靚媽的堅持

說到底,陀B、生B,到陪伴孩子長大成人,是一個漫長的任務。身邊很多朋友已經有了孩子,傾過不少湊仔經的Lily,心裡清楚,勉強自己去改變做「偉大媽咪」實屬不智。陀B時不忘扮靚,到生B之後,休養一個月的她第一件事就是為自己裝身:「我真的是『坐滿月』足一個月就即刻出關,第一件事就係出街剪頭髮,之後就去修甲。」Lily笑說,做個靚媽不單止為討好自己,對孩子也有好處:「我睇過一啲研究,話媽咪扮得靚,小朋友都會開心,而且自信心都會更加強。」

去年 9 月剖腹產女,女兒出世七磅有多,十分健康。

A post shared by (@) on

 

女兒帶來的改變

雖然堅持做靚媽,但畢竟是多了個媽咪身份,生活也因為小公主而改變。女兒Karyssa出世後,Lily請了陪月姨姨幫她坐月,由煮飯到湊B都有人代勞,坐月期間都十分舒服稱心。「我以前喜歡出街食飯,食嘅嘢比較濃味、重口味,有時瞓醒會眼腫面腫,朝早起身都要等一段時間先敢出街見人。而坐月食物都係新鮮、清淡,令到我冇晒水腫,連我啲朋友都話我生原反而比以前清減咗。」

飲食之外,Lily又有另一種領悟,就是要開始做運動。「我係完全唔做運動嘅人,對運動零興趣。生完囡囡後,修身效果唔錯,就係肚腩嘅肉減唔到。令我明白身體健康係一定要靠做運動。」囡囡出世就像小天使一樣,提醒媽咪要注意飲食、多運動。

一家三口第一次齊齊過聖誕節。

A post shared by (@) on

訪問將結束,小編也問了一個Lily經常被問到的問題,會不會考慮再生小孩?Lily自小與家姐感情要好,明白兄弟姊妹之間互相扶持、陪伴的好處。談到再生小孩她這樣說:「第一個BB都等咗八年,想唔想有第二個小朋友?我當然想,不過都係等上天安排啦。」

 

advertisement