advertisement

媽媽唔易造 利嘉兒開心懷孕生出靚寶寶

昨日大台播映以生B為題材的真人show節目《媽媽唔易「造」》,引來大迴響。首集訪問了結婚八年,以43歲高齡懷孕的靚媽咪利嘉兒。

媽媽唔易造 利嘉兒開心懷孕生出靚寶寶

利嘉兒的老公與女兒,昨日安坐家中看媽咪上電視接受訪問(利嘉兒IG圖片)。

媽媽唔易造 利嘉兒開心懷孕生出靚寶寶

利嘉兒透露她曾經接受人工受孕,兩次小產。(電視截圖)

媽媽唔易造 利嘉兒開心懷孕生出靚寶寶

失去腹中BB後,醫生告訴她胎兒小產很多時是原因不明,是自然的淘汰。(電視截圖)

 

媽媽唔易造 利嘉兒開心懷孕生出靚寶寶

經過辛苦的嘗試,但一再失敗,利嘉兒對於辛苦想要小孩開始質疑,而有宗教信仰的她,開始覺得凡事不可強求,此後對於生小孩不再執着,而小小女兒劉書雅(Karyssa),就在這時悄悄來到她的身邊了。(電視截圖)

利嘉兒最後成功自然懷上BB,去年九月誕下女兒,她也十分感激,表示女兒出生是上帝賜給兩夫婦最珍貴的禮物。

 

為佗B食雪糕解畫

一向做慣靚太的Lily,懷孕後仍然不悅貪靚本色,經常扮靚靚踏高跟鞋周圍去,更被傳媒拍到她陀B食雪糕。以為這位靚媽佗B很「佛系」,她卻表示:「我佗B時飲食很小心,問過醫生雪糕可以食。但其他生冷食物,好似魚生、汽水我都有戒,唔係因為怕凍,而係驚未煮嘅食物,同埋街外食物嘅冰粒易有細菌。」

利嘉兒佗B都不忘扮靚,經常悉心打扮出席公開場合。

靚媽的堅持

說到底,佗B、生B,到陪伴孩子長大成人,是一個漫長的任務。身邊很多朋友已經有了孩子,傾過不少湊仔經的利嘉兒,心裡清楚,勉強自己去改變做「偉大媽咪」實屬不智。陀B時不忘扮靚,到生B之後,休養一個月的她第一件事就是為自己裝身:「我真的是『坐滿月』足一個月就即刻出關,第一件事就係出街剪頭髮,之後就去修甲。」利嘉兒笑說,做個靚媽不單止為討好自己,對孩子也有好處:「我睇過一啲研究,話媽咪扮得靚,小朋友都會開心,而且自信心都會更加強。」

去年 9 月剖腹產女,女兒出世七磅有多,十分健康。

 

女兒帶來的改變

雖然堅持做靚媽,但畢竟是多了個媽咪身份,生活也因為小公主而改變。女兒Karyssa出世後,利嘉兒請了陪月姨姨幫她坐月,由煮飯到湊B都有人代勞,坐月期間都十分舒服稱心。「我以前喜歡出街食飯,食嘅嘢比較濃味、重口味,有時瞓醒會眼腫面腫,朝早起身都要等一段時間先敢出街見人。而坐月食物都係新鮮、清淡,令到我冇晒水腫,連我啲朋友都話我生原反而比以前清減咗。」

飲食之外,利嘉兒又有另一種領悟,就是要開始做運動。「我係完全唔做運動嘅人,對運動零興趣。生完囡囡後,修身效果唔錯,就係肚腩嘅肉減唔到。令我明白身體健康係一定要靠做運動。」囡囡出世就像小天使一樣,提醒媽咪要注意飲食、多運動。

一家三口第一次齊齊過聖誕節。

Lily自小與家姐感情要好,明白兄弟姊妹之間互相扶持、陪伴的好處。談到再生小孩她這樣說:「第一個BB都等咗八年,想唔想有第二個小朋友?我當然想,不過都係等上天安排啦。」

現在一起看看利嘉兒早前與我們的訪談吧。