吳鎮宇慶幸仔仔與同學大打出手,及早學懂一件事

吳鎮宇慶幸仔仔與同學大打出手,及早學懂一件事

父母的身教,對孩子有着一輩子的影響。已為人父的吳鎮宇來說,必定十分認同這句說話。60 年代家住黃大仙的他,童年過着清貧的生活,今日優渥的生活,都是由他自己一手一腳打拼,一點一滴累積下來。但回想童年,如果沒有母親的身教,為他建立正面的人生觀,便無法成就今時今日的吳鎮宇。

 

早前吳鎮宇在陳慧珊(Flora)親自監製及主持的《森下仁丹Bifina S 益生菌特約:放學後》節目中,罕有剖白童年往事。他回憶着說:「細個時我一家住喺黃大仙,生活經常結据,媽媽要一邊賺錢,一邊養育我哋幾兄弟姊妹。」吳鎮宇想起小時候,總憶起被媽媽體罰的情景。但他的回憶裡沒有怨恨,只有憐惜:「邊個女人會好似我媽咁蠢?把口一路鬧我,一路係咁喊,喊得仲淒涼過我!」

吳鎮宇慶幸仔仔與同學大打出手,及早學懂一件事

吳鎮宇重遊黃大仙,勾起好多童年回憶。

他續說:「我覺得自己感受母愛嘅方式與別不同,母愛嘅真諦,唔係佢買幾多嘢畀我,佢打我係想我好,係因為我做錯事,阿媽比我更痛苦,所以佢就喊咗出嚟。」鎮宇媽媽雖是個沒受過正統教育的水上人,但憑着不屈不撓的獅子山精神,將幾個子女養育成人。難怪鎮宇在節目中表示無時無刻都想報答媽媽的養育之恩。

吳鎮宇慶幸仔仔與同學大打出手,及早學懂一件事

除了媽媽「邊喊邊打」的畫面,吳鎮宇媽留給他的還有一句珍貴的座右銘:「千祈唔好蝦人,亦都唔好畀人蝦到你,呢個就係做人原則。」鎮宇一直把持着這宗旨做人。

吳鎮宇慶幸仔仔與同學大打出手,及早學懂一件事

吳鎮宇仔仔 Feynman 不經不覺 11 歲了。

媽咪「硬淨」性格,不僅影響了鎮宇的人生,亦影響他的教仔原則。鎮宇表示:「之前有日發現仔仔塊面瘀咗,我仲笑笑口問佢『你係咪同人打交嚟?定係畀人打?』我心入面真係笑咗出嚟,因為每一個人要經歷跌倒、挫敗等等,一個男仔要成為男子漢,更加要有經歷。」鎮宇探問下發現原來兒子在學校被同學欺凌,更被對方打了一拳。「我同仔仔講『咁以後再發生同樣事情,就要學識保護自己喇⋯』,希望佢畀人打會識得還手。我老婆就唱反調,覺得應該走為上着。但係我認為喺學校入面,日日撞口撞面同一班人,你根本冇得避。反而件事早啲發生,最多塊面瘀咗少少啫,冇咩大不了!好似佢嘅年紀(11歲),係時候要學懂保護自己。」

 

「千祈唔好蝦人,亦都唔好畀人蝦到你,呢個就係做人原則。」仿佛又聽到鎮宇媽媽的教誨。對很多家長來說,鎮宇這一套教仔方法可能有點離經叛道,但這正是鎮宇媽媽留給他的人生座右銘。讓小孩子去面對自己的成長,可能比無微不至的照顧更珍貴。

 

《放學後》小檔案

陳慧珊製作及主持的 16 集節目《森下仁丹Bifina S 益生菌特約:放學後》,訪問社會不同範疇的成功人士,從分享成長經歷的過程之中,反思我們應該如何教育社會未來主人翁。

播映時間:逢星期日晚上 8 時 30 分

播映頻道:香港開電視 77 台。

 

advertisement