advertisement

原子鏸三月做新手媽媽:好想BB似老公

原子鏸三月做新手媽媽:好想BB似老公

九月宣布跟摩洛哥籍丈夫Mehdi El Ajimi「一索得男」的原子鏸(Marsha),預產期將於今年三月,「疫境生B」的她依然保持一貫性格,日前原子鏸更趁大肚留倩影,跟老公一同影孕照。「BB的預產期係3月4日,我的生日係3月7日,唔知道佢會唔會想同我同一日生日呢?」

原子鏸三月做新手媽媽:好想BB似老公

熱愛運動  老公擔心變放心

原子鏸剛得悉懷孕後只有間中散步,進入 second trimester (孕中期)之後開始做下瑜伽、跳下舞,每日差不多做兩、三小時運動,她說:「本身喜歡做運動,唔想自己會好腫,所以日日都有運動,其實我做完瑜伽之後,發覺佢(BB)喺肚裏都會郁好多,好似喺肚裏面做瑜伽咁。老公開頭見我又做瑜伽又跳舞都有擔心,後尾佢明白我認識自己嘅身體,有信心做自己 handle 到嘅運動,就放心畀我去做。」

原子鏸三月做新手媽媽:好想BB似老公

媽咪鄭佩佩唔恨抱孫

疫情肆虐,未知陀B的原子鏸可有格外小心?她說:「都會有,去街返屋企第一時間洗手、沖涼。」問到身在美國的媽媽鄭佩佩可有緊張她懷孕?原子鏸說:「媽咪冇特別緊張,不過我哋每日都會電話聯絡,佢喺美國都好少出街,由二家姐照顧佢,我生完之後一定會帶小朋友去美國見佢。我當然想媽媽喺身邊,但冇辦法啦。(媽咪有冇教補身?)媽咪話佢完全唔記得啲嘢。(媽咪有冇幫BB改中文名?)媽咪冇要求,中文名留畀我爹哋去諗,如果唔畀爹哋諗,佢會唔開心。」而英文名她和老公已改好,但暫時不便公佈:「我哋已經幫佢諗咗個名,但想同佢見面之後,先作最後決定。」

她又笑言媽咪一直唔恨抱孫:「媽咪成日同我哋講,生BB好麻煩,人生唔一定要生BB,而我家姐、二家姐都未生BB。所以我陀B爸爸都特別開心,因為佢其實好想有孫仔嘅,BB會係佢第一個孫,所以爸爸心情好興奮。」

原子鏸三月做新手媽媽:好想BB似老公

原子鏸懷孕至今六個多月,產檢時有冇見過BB的樣子,究竟是似爸爸定似媽媽?原子鏸表示:「有照過,但淨係見到BB個鼻,佢(BB)用手遮住個樣,其實我想佢似老公,男仔嚟想佢Man啲,想佢好似我老公咁鬈頭髮,但老公就話想佢似我會靚啲!

原子鏸三月做新手媽媽:好想BB似老公

今次影孕照,原子鏸心情緊張又興奮。「陀BB係一個好特別嘅時刻,搵專人影輯靚相。畢竟懷孕一世人只可以有一次,或者會兩次啦,好值得紀念一下。」仔仔未出世,原子鏸已預告有意生第二胎,似乎好快又會有好消息宣佈呢!

 

攝影(孕照):Yours Memory