學建築玩藝術 Danielle 帶埋仔女香港放暑假

去年離婚嘅37歲混血靚模 Graham,如今再度活躍於幕前。定居馬來西亞嘅佢,今個月帶埋一對仔女返香港放成日做運動keep fit,個樣同身型都keep得好好,不過做咗媽咪,心態就完全唔同晒!

2000年代,20出頭的是香港炙手可熱的模特兒,當中一系列OLAY廣告最為人熟識。

 

2009年嫁畀馬來西亞銀行才俊,專心相夫教子絕迹幕前,亦練得一手好廚藝,去年離婚之後仲出版烹飪書,將佢嘅心得公諸同好。尋日佢就帶埋細女Sophia齊齊出席舉辦嘅Hello Kitty嵌入式平面爐及廚具發布活動。

 

第一次帶6歲囡囡Sophia出席香港公開活動。

 

 

活動前帶囡囡去salon set頭。

 

 

Sophia對住全場記者開着爐火整嘢食都全無怯場,反而旁邊Anjaylia姐姐個樣勁緊張!

 

 

Sophia同媽咪一齊整嘅日式奄列,由於妹妹嘅個人喜好,奄列非常足料。

 


鍾意煮餸嘅平時會同一對仔女齊齊下廚,雖然囡囡得6歲,佢都放心畀小朋友切嘢、埋爐:「我會全程睇實,非常安全,一齊煮餸可以培養親子感情,放心畀佢下廚,可以令佢哋更有自尊同建立自信。」妹妹平時返學要帶飯,有時會畀佢自己炒飯帶返學校:「炒飯時會加好多粟米、紅蘿蔔、生菜、雞蛋,仲有妹妹最鍾意嘅煙肉!」仲話8歲哥哥Benjamin已經學識蒸魚:「咁當然我會喺旁邊幫佢手啦。」亦堅持晚飯要喺屋企食,邊食邊傾,促進親子感情。

 

8歲大仔Benjamin同細女Sophia。

 

現時帶埋一對仔女嚟香港玩餐飽,佢哋契媽嘅一對仔女年齡相約,四個小朋友成日約埋一齊周圍玩。知道香港嘅興趣班五花八門,除咗玩之外,佢仲幫小朋友報咗暑期活動:「仔仔好鍾意砌LEGO,我同佢報名參加師工作坊,佢玩得好開心;阿女就鍾意唱歌同藝術,我幫佢報咗班。」

 

喺香港成日約埋小朋友契媽嘅一對仔女齊齊玩。

 

 

回復單身之後嘅,除咗煮餸不時仲會玩瑜伽,做運動,keep住最佳狀態,她亦不諱言現時的狀況是「單身,有追求者」,不過佢強調對象首要條件要接受一對仔女:「It's a package!」。即使結束了一段婚姻,當了媽媽,世界就變得不再一樣。

 

 

部份圖片來源:peitagraham@IG