Celine演唱天后名曲評判有讚有彈!研究發現多讚賞有助子女成長

呢排大家講得最多嘅莫過於係呢位9歲嘅小妹妹(Celine),年紀細細就以香港人身份出戰美國才藝節目《》(America's Got Talent),簡直係紅出國際!Celine今日於香港時間早上亮相節目嘅半準決賽,演唱動畫電影《埃及王子》(The Prince of Egypt)主題曲、由兩大天后Mariah Carey及Whitney Houston合唱嘅《When You Believe》,爭取出線機會。

不過今次Celine嘅演唱未得到所有評判嘅認可,評判之一嘅Mel B就話佢今次揀錯歌,認為歌曲唔啱佢唱,超出咗佢嘅能力,令Celine一臉失落,仲眼濕濕~不過另外幾位評判Simon CowellHeidi KlumHowie Mandel就話Celine雖然歌唱技巧未算完美,但聲線甜美、天真可愛。

其實Celine年紀細細唱出呢個水準已經好叻女,無論係作為觀眾定為人父母,多啲讚美少啲批評,對小朋友嘅身心發展都更有幫助。

調查顯示,少於四分之一港人會讚美家人;相反,有近兩成半子女近乎每天被父母責罵一次。香港心理學會註冊臨床心理家趙思雅就話,其實好多時候,父母都唔察覺批評嘅說話會對子女構成刻骨銘心的傷痕,甚或會影響佢哋嘅自我價值和形象,當子女喺一個充滿批評和負面訊息的家庭中成長,會令佢哋變得欠缺自信、缺乏安全感、情緒和想法會較負面,以及欠缺追求改善的動力。

所以父母在批評子女前,可以先冷靜一下自己,再仔細諗下批評的事情是否合理,嘗試由子女的角度出發,誤會同爭執就會少好多。比起批評,可以用「正面提醒」的方式取代,具體指出問題所在,再一齊諗出解決的方法,親子關係自然更好!