- celeb family
- by mabel shek
- 12/05/2023
今年初宣布懷第二胎喜訊、現年40歲的孫慧雪（Snow），公開自己患子宮腺肌症的治療、備孕到懷孕經歷，又自爆今胎在懷孕初期出血經過，為了保住胎兒，忍痛捱打逾40支安胎針，同時分享自己兩次懷孕的苦與樂。此外，孫慧雪甜曬大仔Riley最冧的1件事：「爸爸都冇咁貼心」，又指自己堅持生第二胎全為大仔，看來老公的地位快要不補了！
渴望當媽媽 醫生曾斷言難生B
6年前生下大仔Riley，孫慧雪一直都想生二胎，給大仔作伴，於是再有「冒險」的念頭，難道每位媽媽都是那麼勇？孫慧雪回想起當年，由生大仔前1年，突然出現腰骨痛，接受檢查後才發現那時發現子宮有個腺肌瘤，「當時個瘤好大，壓住我嘅腸臟和膀胱，子宮正常4cm大，但我子宮有11cm大，醫生曾經同我講好難會有小朋友，令我一度好傷心。」
孫慧雪沒有因此而放棄，反而選擇儘快結婚為生仔，向醫生諮詢想生小朋友可以點做？「醫生建議我打停經針，製造假更年期令子宮瘤縮小，中斷女性荷爾蒙供給子宮，那時很快令子宮瘤小，之後再注射女性荷爾蒙入體內，為期大半年，之後順利有了第一個小朋友。」大仔得來不易，懷孕初期曾有大量出血情況，慶幸打安胎針穩定胎兒，結果開刀順行誕下9磅B。
6年後再次冒險生二胎 全為大兒子
相隔6年再做媽媽，孫慧雪指確實不容易！「呢幾年我一直靠食藥降低女性荷爾蒙，到了備孕就在半年前開始停藥。」直至年初，終於再度有喜，令孫慧雪和老公都高興不已。可是在懷孕初期，一度頻頻出血。「我冇諗過要打咁多安胎針，因為那時不停出血，同第一胎嘅出血狀況好唔同，第一胎時只出現過一次大量出血，但今胎在懷孕初期，每日都有出血，想穩定胎兒，就唯有要不停打安胎針，打到我腰間兩側瘀腫似雞蛋咁，醫生都勸我唔好打，休息一下。」可是，她認為：「當上媽媽自己可以做幾多就做幾多，其實我痛不太緊要，最緊要是小生命。」，可見母親多偉大呢！
面對逆境 維持正面心態
縱然面對很多困難，經歷了一針又一針，孫慧雪依然能樂觀積極面對。「我冇諗咁多呀，只係保持住正面心態，唔好諗太多好擔憂而未發生嘅問題，令到自己咁負面。」她又認為，決定要生B，便應堅持下去。「 第一次都順利過渡，第二次就鼓起勇氣，我覺得再生B係好大嘅愛和勇氣。」
這位媽媽的動力，除了老公的支持，大仔Riley就是她的泉源。每當孫慧雪談及兒子，面露幸福甜蜜的笑容。「近期開始有胎動，BB會不停踢肚，我捉住大仔嘅手輕觸肚皮，佢感受到BB在踢我肚，第一時間問：『媽媽，你痛唔痛呀？』，我真係好冧！」孫慧雪不其然地露了口風，「老公都冇囝囝咁貼心」，看來老公的地位快要不補了。
產後封肚定再生？
生育子女從來都不是易事，更何況像孫慧雪般「搏命」，便知她有多決心。問到她會否再生？還未誕第二胎，孫慧雪便已心中有數，還有分享了為健康做了一個決定⋯⋯ 她在訪問中提及到的。
