梁芷珮專訪｜3孩媽媽自揭子宮肌瘤縮細好消息 公開兩大治療方案！一文看清子宮肌瘤4大常見症狀及治療方法

憑藉主持旅遊節目《潮什麼》系列打出名堂的梁芷珮，既是1名旅遊達人，又是位年輕媽媽，年僅43歲、已為3孩之母，大仔Brendan更年滿21歲，與老公結婚20年，幸福美滿。不過，梁芷珮向編輯透露原來早在1年前發現子宮出現問題，患有纖維瘤，慶幸經過半年中醫治療，昨日（9日）Christy在IG宣布好消息，指子宮肌瘤已縮小，形容為「細到搵唔到」，更公開了兩種治療方法，引來不少網民私訊查詢。原來子宮肌瘤常見於30至50歲女性身上，到底有甚麼症狀、治療方法，現在為大家講解。

在 Instagram 查看這則貼文

梁芷珮接受編輯訪問，透露事源1年前突然出現血崩情況，Christy表示，「有次流咗好多好多血，從未流過咁多M血夾雜好多血塊，好似豬潤咁，於是立即去睇西醫，照埋Ultrasound發現有個4cm大肌瘤，醫生形容係大嘅，但好彩冇影響到其他器官，所以醫生話唔使做手術，只要觀察住就ok，個瘤會隨住更年期縮小，所以都唔太擔心！」後來，梁芷珮聽聞看中醫有幫助，於是由半年前開始中醫療程。

梁芷珮宣布：子宮肌瘤縮細

直至昨日（9日）在IG宣布好消息，指子宮肌瘤已縮小，形容「細到搵唔到」。她寫上：「之前嘅子宮肌瘤，食咗半年藥+針灸之後，啱啱婦科檢查，個肌瘤細到搵唔到！唔係廣告，真係好想比人知，中藥真係幫到我，希望可以幫到大家！」Christy更透露，起初接受中醫治療想紓緩痛症情況，在治療1個月後血崩情況有明顯改善，而且M痛減少，到了第3個月經血量更回復正常，於是持續治療半年，沒想到日前做婦科檢查有意外收穫，子宮肌瘤縮小至1cm大，治療效果理想。她更說明：「唔係廣告，真係好想比人知，中藥真係幫到我，希望可以幫到大家！」引來不少網民留言查詢。

甚麼是子宮肌瘤？

子宮肌瘤是女性生殖系統最常見的良性腫瘤，由子宮平滑肌細胞增生而成，猶如子宮內長出的「小肉球」。30至50歲女性中，約有2成至3成可能患病。

子宮肌瘤4大常見症狀

1. 月經異常：經量增多、經期延長，甚至引致貧血（出現頭暈、乏力等症狀）。

2. 壓迫感：尿頻、便秘（肌瘤壓迫膀胱或直腸所致）。

3. 腹部腫塊：肌瘤較大時可觸摸到硬塊。

4. 不育或流產：肌瘤位置可能影響胚胎着床。

子宮肌瘤3種治療方法

1. 觀察等待：無症狀、肌瘤小（尤其臨近停經的女性）可定期覆查。

2. 藥物治療：口服止血藥、口服避孕藥等以調節荷爾蒙。

3. 手術／微創／無創治療：肌瘤剔除術、子宮動脈栓塞術、海扶刀治療（以保留生育能力）。