advertisement

坐BB車返學有冇問題?港媽網上討論區熱議

小朋友開學已經一個幾月,朝朝要小朋友起身、梳洗、着好校服返學都係一項好艱難的任務。到着好衫出屋更怕小朋友扭計,唔知幾時先行到返學校完成任務。日前有港媽於討論區發文以「我真係對啲坐bb車返幼稚園小朋友好反感」為題,旋即引起網上熱議:

坐BB車返學有冇問題?港媽網上討論區熱議

坐BB車返學有冇問題?港媽網上討論區熱議

此發文引來不少媽咪回應,原來坐BB車返學不是十分稀奇,更是相當普遍,有港媽指屋企附近有小朋友6歲仍間中坐BB車返學:「我屋苑有個六歲(佢生得好細粒,似四歲)但肯定健全」懷疑小朋友因起唔到身返學要坐BB車。另一網民指「我有兩個鄰居,一個k1,另一個k2都係坐bb車返學」、「我前兩年係上水見D 幼稚園門外, 最少20架BB 車。」、「我見過有個七至八歲出街仲坐BB車,成個車籃都係玩具。個男仔望落都好正常,似係阿媽太縱,我個仔四歲都無坐BB車好耐。」、「我都接受唔到咁大個仲坐BB車,生對腳畀佢地做乜?」

不過亦有媽咪對使用BB車接送返放學表示體諒,認為「有時小朋友行得慢,用車仔會快捷一啲,另外有車仔困住唔會周圍走,要買嘢或者攞住嘢會方便啲照顧」。

似乎不少小朋友都討厭行路,另有港媽提出當小朋友不用坐BB車後,會揸滑板車放學:「近年見有K2 K3 小朋友就自己用滑板車」、亦有媽咪提出香港街道太窄,小朋友放學揸滑板車其實相當危險。

對於父母應否使用BB車接送返放學,似乎是一個永遠討論不完的話題。小朋友兩、三歲,學校路程又遠,用BB車接送似乎真是無可厚非,但如果小朋友已五、六歲的話,父母是否應該因為怕麻煩把小朋友推上BB車?小朋友早晚也要學會自己走自己的路,也無謂讓小朋友成為路人暗地耻笑的對象吧。