advertisement

小朋友經常難以專注學習,令家長頭痛。近期好多家長都問我:「Miss Tiffany,小朋友好難專注坐定定,點算好?」唔駛驚,Miss Tiffany喺大廳!等我分享幾個錦囊畀大家啦!

在家專心學習錦囊 1:給孩子適當的學習環境

小朋友書枱是否有好多嘢?例如圖書、五支筆、兩個擦子膠、玩具、工作紙統統放晒喺枱面?如果小朋友本身專注力已經較弱,面前仲有好似百貨公司咁多嘢喺度,只會令佢哋更加眼花撩亂,手仔更會搞東搞西,更難專注上課。

在家專心上網課錦囊 1:給孩子適當的學習環境

因此最好嘅環境設定,係枱面只有需要嘅嘢:例如一枝筆、一個擦膠、一張工作紙就夠喇!如果上堂基本係只需要望住個電腦螢幕,我哋其實連筆都可以收埋,等有需要時先攞出嚟用。

另外,亦要留意小朋友坐嘅位置,最好唔好望住太多嘢,身邊亦唔好有人不停行嚟行去。記住要盡量減少令佢分心嘅人與事物。

在家專心學習錦囊 2:課堂規矩

唔好以為學校先有規矩,喺屋企上網課都要有規矩!爸爸媽媽同小朋友上網課前,記得用啲時間去同小朋友講明:上堂有乜規矩要遵守,等佢哋知道,上堂老師對佢哋會有啲乜嘢期望。例如:要坐定定、眼睛望住老師、答問題前要舉手等等。講嘅行為要具體,淨係講「聽話」係唔足夠㗎 !

在家專心上網課錦囊
家長可以將上堂規矩貼在牆上以提醒小朋友。

在家專心學習錦囊 3:專注力與感官需求

其實專注力同感官需求係有連繫。若果 小朋友的感官需求未被滿足,有可能影響其專注力。而我哋可以善用工具去幫助小朋友滿足感官需求,例如可以用「感統坐墊」(Wiggle seat) 或者一啲「療癒工具」(Fidget toys) 去給予適當感官刺激,從而幫助提升專注力。

「感統坐墊」(Wiggle seat)
「感統坐墊」(Wiggle seat) 可給予小朋友適當感官刺激,有助提升專注力。

「感統坐墊」(Wiggle seat)
另一種Fidget Toys Fidget Spinner,可滿足小朋友的感官需求。

令小朋友着迷的Popit也是Fidget Toys的一種。
Stretch Ball 也是Fidget Toys一種。

 

令小朋友着迷的Popit也是Fidget Toys的一種。
令小朋友着迷的Popit也是Fidget Toys的一種。

在家上專學習錦囊 4:視覺時間表

要知道對於精力充沛嘅小朋友嚟講,要適應虛擬的校園生活,淨係對住電腦螢幕上堂,其實都係一件辛苦嘅事。我哋可以將上堂嘅時間表視覺化,並放於當眼的位置,咁就可以畀到更多的心理準備小朋友,所有上課嘅流程都一目了然。

我哋甚至可以將「遊戲時間」放喺時間表最後,咁就更能夠推動到佢哋去跟從時間表,完成當日課堂。因為佢哋已知道原來要上晒啲堂,先可以去玩玩具!

在家專心學習錦囊 5:善用獎勵系統

在家專心上網課錦囊 5:善用獎勵系統

要有效地提升孩子的良好行為,家長可以利用獎勵系統去推動孩子學習。先清楚訂明目標行為,同時亦要畀孩子清晰知道,做好咗乜嘢行為就能得到獎勵及稱讚,而儲夠某個數目嘅星星就可以換領獎勵。

 

小竅門:做對行為一分鐘內畀獎勵先最有效!

其實,要有效利用獎勵系統去提升良好行為,仲有好多竅門,唔係坊間講得咁簡單。例如你哋又知唔知,獎勵要點畀先有用?據科學研究指出,喺目標行為發生後0至60秒內畀獎勵,先能最有效提升良好行為的發生!

我哋只要掌握埋其他科學實證嘅教學重點,就可以運籌帷幄,真正能夠善用獎勵系統去幫助小朋友學習。下次有機會再詳細教大家點樣運用!

希望以上幾個錦囊幫到大家。祝各位身體健康,出入平安!

請注意:每個小朋友的能力及情況都不盡相同。如有個別行為問題,請諮詢專業的國際認證行為分析師(BCBA)。

 

國際認證行為分析師、心理學碩士 - Miss Tiffany

- 兒童行為發展專家⁣⁣⁣
- 𝐁𝐨𝐚𝐫𝐝 𝐂𝐞𝐫𝐭𝐢𝐟𝐢𝐞𝐝 𝐁𝐞𝐡𝐚𝐯𝐢𝐨𝐫 𝐀𝐧𝐚𝐥𝐲𝐬𝐭 (𝐁𝐂𝐁𝐀)⁣⁣
- 𝐀𝐁𝐀一對一行為治療 | 社交小組課程 | 學校影子老師 | 家長培訓服務 ⁣| 特殊教育⁣⁣⁣⁣
-⁣《兒童正向行為教學:視覺導航教具書》
- 分享正確及具科學實證有效育兒教學方法⁣
|相信科學,相信專業⁣ |

https://www.misstiffanybcba.com
FB @psyc.made.simple
IG @psyc.made.simple