美國小朋友搭飛機漏低巴斯光年 好心哥哥花心思物歸原主充滿愛

美國一位小朋友 Hagen，佢搭飛機時漏低咗心愛嘅巴斯光年玩具喺飛機上面，發現嘅時候已經搭緊車，返唔到去機場接番巴斯。

之後，巴斯光年畀飛機上嘅工作人員 Jason 發現， Jason 於是展開一連串調查，發現巴斯光年腳上寫着小朋友名字 Hagen，而該班航班只有一位乘客叫 Hagen，Jason 於是將巴斯光年寄番俾小朋友。

幾日之後，Hagen收到一個包裹，入面除咗佢嘅好朋友巴斯光年之外，仲有一封「巴斯光年的信」同埋幾張相，記錄低巴斯光年幾日以來完成過嘅任務。

Hagen 嘅媽咪多謝 Jason 為陌生人做呢一件好事，事件曝光之後引發好多人嘅共鳴同轉載。

勿以善小而不為，我哋做嘅每一件好事都可以鼓舞人心，為陌生人加添正能量。

來源：美國西南航空facebook