郭富城Baby Shark走入麥當勞 宣佈開始「絕膠」走塑更環保

身為兩女之父的天王郭富城，今日與小朋友偶像Baby Shark一起出席活動，宣佈麥當勞由即日開始逐步放棄使用塑膠餐具，轉用木餐具。而Baby Shark更加走入圖書當中，向小朋友傳授環保知識。

麥當勞由即日開始逐步停用膠餐具，呢款木餐具雖然都係用完即棄，不過就比膠餐具更易分解，為環保踏出第一步。想更環保，小朋友梗係要學識自備餐具啦！

而家只要買一份開心樂園餐，就可以得到Baby Shark環保小書一本，一套六款，每本書最後仲有小遊戲，儲齊一套可以學習環保小知識，寓學習於遊戲，一舉兩得。

位於紅磡站的麥當勞更佈置成Baby Shark主題，小朋友除了可以像平時一樣在這裏盡情放電，更可以與餐廳內玩Baby Shark主題互動小遊戲，動動腦筋挑戰環保小知識！