advertisement

呔仔細細響美國出世,照美國年曆黎講,新年就係每年既1月1號,而中國新年,對於佢地黎講,就只知道要拜年逗利是,同埋唔可以講衰野,哈!之前佢地讀的Preschool較多唐人,年近時會教一D關於中國新年既野,或者做一D手工之類,仲會放一日中國新年假。而家佢地讀本地小學,同學係八國聯軍咁,所有種族的人都有,更唔會關注到中國新年了。

 

佢地婆婆剛問起,呔仔細細學校有無農曆年假放? 當然無,如放中國年假,咁其他墨西哥新年,緬甸新年,愛爾蘭新年等等都要放假,咁放法仲得了?!因此,自己種族的新年,就自己同親朋慶祝吧!

 

IMG_20160205_1

 

自從黎左美國後,除左頭幾年住Chinatown時感到氣氛濃厚一D外,搬出較多唐人地區後,農曆新年已無甚氣氛,街都係冷清清的。最多只會約班朋友出外團拜,小朋友交換利是,又或打電話比長輩們拜年問候,無咩特別慶祝了。反而早幾年佢地未返學時,農曆年可以返香港過,就開心得多喇!滿街都係人,個個著到紅噹噹,喜氣洋洋,由大年初一開始,親戚朋友們都準備好每日節目,拜年呀睇花燈呀行花市呀燒烤呀,好多團拜呀,好熱鬧的!好懷念響香港過的農曆年呢! 難怪古語有話,人在異鄉倍思親!而家每逢過時過節,收到香港親友寄黎應節賀年食品小物,都有極級溫暖的感動呢!