advertisement

上回講到,小二呔仔第一日開學因為keep住遊魂發夢,而比老師出黃牌警惕!我呢個做媽咪既,心都慌埋啦,即刻記低當刻既心情,咁第時睇返都知道發生過咩事,而自己當時又有咩睇法。通常呢D第時回望都係得啖笑,不過呢刻確係一定會亂諗野或者過份擔心左架喎!始終未面對過呢D返學問題,認真少少對待都係好事黎既~

shutterstock_362837546

 

出文後,好多人都留言支持同安慰,又講下佢地自己作為過來人既經驗等等,大家都好關心我地,著實好感動既,亦因為睇左大家既留言,個人會輕鬆左,無咁諗埋一邊。而其中我呢篇文章想講既,係一個新手老師既幾句說話,令我覺得,咦? 原來自己有問題發生既同時,我都帶出左另一個值得別人思考既重點喎!

shutterstock_144566138

呢位新手老師話睇左我呢兩日出既PO,發現原來老師講既幾句說話,係可以令家長咁大壓力,而其實果D說話,對老師黎講可能只係常語。正因如此,佢更要留心注意同家長既溝通,以免對對方同埋小朋友做成不必要既壓力,意思大約係咁樣。我覺得佢好好,好有heart呀! 對關於教育既事會有反思,唔會話一見到D咩,就直接用自己既角度去反應。「有教無類」呢個成語,我地小學時已成日聽,但係咪每個老師都可以做到咁樣呢?

 

我朋友個女,同呔仔性格好似,怕羞慢熱,心地善良,又係神級痴媽B!!其實只係做緊呔仔3歲時同樣既行為,唔會好主動同人打招呼,會喱響媽咪身後唔見人。朋友坦言好大壓力,見到老師唔主動打招呼,老師會話佢無禮貌,阿女比老師話一話仲驚,更加痴得實,惡性循環黎既!

但其實我想講,每個小朋友性格,行為,對事物反應都唔同,做老師既,特別是幼兒教育,點解連咁簡單既道理都唔明? 3歲小朋友,佢同你玩熟左,唔使你叫佢都一定會叫你會拉住你,何必要去計較你地擦身而過既一句早晨呢? 再講,一個小朋友有無禮貌,唔在於佢同唔同你打招呼既! 響美國呢邊,幼稚園老師絕對唔會比任何壓力小朋友,佢地好照顧小朋友既情緒,因為開心既小朋友先更容易投入學習。有時聽到D家長迫小朋友叫老師,老師反而話無問題呀,等一陣適應左個環境自然會叫~ 其實係既,無論今日上完堂,傾到幾熟都好,對有D慢熱既小朋友黎講,再見面又再需要時間去融合。

shutterstock_261150095

老師們,給小朋友多點愛心多點體諒,同家長們一齊努力去建立一個開心輕鬆既學習環境吧,有時你地一句戲言,可能家長們心中有好大迥響,好難釋懷。老師家長之間溝通良好,對教育小朋友好重要架!^^