大廠都出事?玩具爸爸教你揀安全幼兒玩具

好多玩具指明幾多歲以上先啱玩,其實真係有原因。日前身為玩具設計師嘅 玩具爸爸(Toys Daddy Kenneth),就同大家分享點樣挑選安全玩具。原來好多大朋友覺得安全嘅玩具,小朋友攞上手分分鐘出事。平時「淘」番嚟嘅玩具唔在講,就算係大廠出品,歷年來都有導致意外,大批回收嘅記錄。

 

以下係玩具爸爸挑選出嚟幾款曾經大量回收嘅幼兒玩具,到底你又睇唔睇得出有咩危險?不如一齊挑戰吓。

 

啤啤熊呢種釘上去嘅眼仔,好容易甩出嚟,小朋友吞落肚就大件事,呢款啤啤熊於 2011 年推出後,要回收 30萬隻!依家新出嘅幼兒公仔,好多都係刺繡方法整出眼睛,咁就唔怕甩出嚟喇。

 

咪以為木製玩具一定好過膠玩具,原來呢款積木好似「仙人掌」嘅粒粒係會甩出嚟,小朋友吞落肚,嚴重可能會導致窒息!

 

 

 

 

呢款整餅機甫推出曾經好流行,個焗爐仲會將餅仔焗熱,十分得意。不過有小朋友將手指塞入焗餅機,更燒傷手指導致要截肢,亦都難逃大批回收命運。呢款玩具,當年回收咗接近100萬件。

 

以上呢兩款玩具又有咩問題?想知道更多挑選玩具嘅有用知識,可以去關注 Toys Daddy Facebook 專頁:https://www.facebook.com/ToysDaddy/

 

 

 

advertisement