advertisement

同奶奶其中一個最需要適應嘅,就係飲食口味問題。一個人嘅飲食習慣養成咗幾十年,係唔會改變,亦都唔會因為其他人而改變。

 

我奶奶係潮汕人,好鍾意食海鮮、海味、鹹魚呢類食物;其實老公都學似佢咁,最鍾意食海鮮,但係我就對於所有魚類興趣麻麻,嚴格嚟講係絕少食。平時我同老公一個月都係去奶奶屋企一兩次,每次去老爺奶奶屋企食飯,奶奶都煮海鮮餐畀老公食,而我就梗係冇啖好食啦。

次次差唔多食完飯,奶奶幾乎都會講:「阿詩,唔記得你唔食海鮮添。」講完,下次咪又係唔記得。不過我都冇乜所謂,佢係我老公阿媽,又唔係我阿媽,唔會對佢有任何expectation,亦唔需要啦。

 

 

好似老公話齋,老人家行得走得,仲要整飯畀自己食,仲要係好食嘅,賺晒啦。都係嘅,又唔係一齊住,佢哋開心就得,自己父母道理一樣,佢哋身體健康,已經好大福氣。