advertisement

大部份媽咪都覺得:我個仔 / 女係全宇宙最得意嘅BB,但唔係人人咁諗。英國有媽咪就喺樹窿 App「Whisper」度呻,話自己個仔其醜無比,仲畀咗一個看似非常合理嘅原因。

 

呢位媽咪話:「我個仔係有少少醜樣,因為佢輪廓係有幾分似男朋友個難頂阿媽。」希望呢位媽咪快啲改變想法,因為日日咁諗都幾辛苦囉。

 


呢啲就真係心聲喇,呢位媽咪覺得自己細個一啲都唔得意,因為個個都有 baby fat,而佢就生得比較瘦;但大咗當大家都偏肥嘅時候,佢就 keep 到又瘦又靚,仲話希望自己啲細路會同佢一樣添。

 


呢位媽咪話佢個仔係佢見過嘅細路之中最醜樣……well,希望佢正視呢個問題睇下心理醫生。

 


呢個媽咪又話自己嘅細路醜樣,似乎真係唔係人人覺得自己嘅細路得意喎。

 

呢位媽咪就相信醜小鴨變天鵝,細個醜樣先係潛力股。

 

另外又有一位媽咪話自己啲細路似佢咁醜樣,仲話覺得呢件事勁尷尬,小編就覺得佢好需要朋友關心。

 

呢個 App 香港都可以download到,如果一時之間搵唔到樹窿,都可以上去吐下苦水!

 

圖片來源:Whisper 擷圖