【英國移民】英國托兒所收費昂貴?3歲開始政府會有免費補貼

之前跟大家分享了如何選擇英國的公立學校(延伸閱讀:如何選擇英國學校+入讀心儀公立學校的方法!),Facebook專頁「走佬到英國」的版主Wallace分享,如果小朋友學年前夠4歲,就可以入讀小學的Reception Year(即小一之那一年)。那如果小朋友未夠4歲,父母又要工作沒有時間照顧,又或者想早點讓小朋友適應群體生活,送小朋友去托兒中心(Nursery)都是一個好選擇。

英國學前育兒教育服務

英國托兒中心收費

英國托兒中心對小朋友分開唔同階段的照顧同收費。Infant – 2 歲以下;Toddler – 兩至三歲; Preschool – 三歲以上直到番Reception。好多Nursery由於照顧人手比率關係,收費會係Infant最貴而Preschool 最平。以下是倫敦市中心最貴地區之一的Kensington入面,私人同非牟利Nursary收費的例子。

英國學前育兒教育服務

一般來說,返足五日的收費絕對唔平,但是實際上,很多父母都可以一星期有一兩日在家工作(非疫情時期),又或者本身是返兼職,所以小朋友可能係只返兩至四日甚至更少。Wallace分享他的個人經歷:「女兒兩歲前無返,兩歲後就返兩個半日,三歲由於有政府補貼,就返兩日全日,三歲半後就入讀公立小學附屬幼兒園免費返5日半日,現時四歲半就等9月入Reception。」

英國學前育兒教育服務

3歲開始政府有15小時的免費補貼

由三歲開始,政府就會補貼每個小朋友有十五小時的免費Child Care。這個補貼是全民包括Working Visa 都可以享有,所以就算BNO簽証都應該可以有。當小朋友三歲之後,幼兒中心就會列出你小朋友一星期番既總小時數,減去了15小時,再計出所需學費。一般來說,幼兒中心的開放時間是早上7時半或者 8時,而家長要在晚上6時至6時30分前接回你的小朋友;如果係半日的話,就要在12時半或1時前接回。

無論你什麼時間接送你的小朋友,幼兒中心都會用它們的的開放時間計算時數,即係就算你小朋友遲返又早走,收費時間也是以全日或半日計。 基於這個計算方法,15小時的免費 Child Care大約可以幫你支付1日多的托兒時間。

英國學前育兒教育服務

由於政府提供的15小時免費Child Care關係,有不少的小學就會基於呢一個財政資源,去提供額外的一年半日Nursery,每日3小時。 呢個服務最大好處係完全免費,但由於每日返學的時間比較短,每日只有9至12時的三個小時,所以只適合工作時間比較彈性既家庭。

除了托兒所之外,亦有不少英國家庭會找其他家庭幫忙照顧小朋友,英國稱為Childminder。好處是比較便宜但是好多時都不容易找到有空位。有興趣的朋友亦可以考慮發展呢方面的事業作為收入。另外,如果其中一位家長是英藉或者永久居民,就有資格申請托兒開支扣稅:政府會幫你出20%的托兒開支。而如果收入合資格的更可以申請30小時免費Child Care。

資料來源:Facebook@走佬到英國

advertisement