加拿大移民專欄 (1) 香港人人人都有加拿大親朋戚友?

有說「一元復始,萬象更新」,楊媽媽在新的一年就膽粗粗問小編可唔可以畀我喺呢個平台分享一下關於移居/移民/回流加拿大嘅資訊,希望能盡我的小小綿力,為大家在新的一年帶來一個新的思考方向。

加拿大移民專欄 (1) 香港人人人都有加拿大親朋戚友?

其實楊媽媽每次返香港,當被人發現小朋友唔係本地人之後,一講起喺加拿大返嚟,無論係的士司機、Uber司機、餐廳阿姐、樓下看更、菜檔伯伯等等都會異口同聲話:我識人住喺加拿大啊!所以加拿大很自然地成為大家的移民首選。近年更發現,慢慢由只認識溫哥華同多倫多,發展到去滿地可、溫尼柏甚至王子島都有親友!唔知道睇緊呢篇文章嘅你,又識得幾多係住喺加拿大嘅人呢?

返回正題,經歷咗過去多次嘅移民潮之後,西至溫哥華,北至黃刀、東至聖約翰、南至溫莎都可以搵到香港人嘅足跡。近期網絡上最紅應該係溫尼柏喇,但大家睇世界地圖都知道加拿大有幾大,無理由只得呢個城市可以選㗎!

其實想移民加拿大,大大話話真係有過百種方法。有小小興趣移民加拿大嘅各位,喺新嘅一年又有冇膽量去踏前一步,走一啲可能暫時未有香港人走過嘅路呢?除咗乜都未知嘅聯邦「港人限定」項目之外,喺新嘅一年唔少省份都推出新招吸引新移民前往,大家可以密切留意。無論你喺想安安全全、去邊都好,還是意志堅定、心有所屬也罷,都歡迎你喺新嘅一年同楊媽媽一齊了解下。

加拿大移民專欄 (1) 香港人人人都有加拿大親朋戚友?

但有意移民嘅大家,不妨先問下身在加拿大嘅親友究竟「你這剎那在何方」,再考慮下想唔想第時住係佢哋附近,先決定溫尼柏係咪你嘅首選啊!講真,有時有可能你想遠離「某啲人」㗎嘛~ (笑)

祝大家新年快樂!

加拿大移民專欄 (1) 香港人人人都有加拿大親朋戚友?

本文作者:楊媽媽

人稱楊媽媽,兩孩之母,she.com元祖級會員。小學畢業後移民加拿大,落地生根。著作有《隨時入籍.寶寶愛移加》(2019),與香港人分享移民加拿大實用資訊。

 

fb@隨時入籍。寶寶愛移加

advertisement