advertisement

踏入三月,停課多時的小朋友終於開學了。小朋友一段時間沒有返學,可能對校園生活感覺陌生,甚至會有抗拒和恐懼,難以適應。資深行為治療師 Miss Tiffany 提提各位家長做好以下 6 點,可以幫到小朋友盡快適應校園生活開心返學:

 

一、溝通與關懷

資深行為治療師Tiffany:6個重點幫小朋友適應開學

小朋友冇返學咁耐,可能對學校及同學仔都會有啲陌生。家長可以畀心理準備子女,同佢哋傾下偈,順便話畀佢地知幾時要返學。返學又會有啲咩玩,可以見到邊個老師同朋友仔等等,一起重拾美好回憶!

記住千萬不要今日先同小朋友講聽日要返學呀,可能會嚇到佢地心都離一離!同時,家長亦可以提醒子女:若果喺學校需要幫忙的話,可以告訴老師,唔好自己收埋唔講。

二、調節睡覺時間

資深行為治療師Tiffany:6個重點幫小朋友適應開學

家長要慢慢畀小朋友習慣番正常上學的作息時間,唔可以再遲睡遲起喇!要畀小朋友習慣番早起身。如果小朋友夜晚唔肯瞓覺,可以嘗試在日間畀多啲活動或者運動佢地做。經過咗一日嘅精彩活動,消耗咗佢哋啲精力,小朋友夜晚就應該可以倒頭大睡了。

三、預演上學情況

資深行為治療師Tiffany:6個重點幫小朋友適應開學

如果想小朋友可以更容易適應番校園生活,可以在家模擬上學的情況。家長可以用視覺時間表提示他們平時預備返學的程序。例如:起牀 > 刷牙 > 洗面 > 食早餐 > 換校服等,咁佢哋到真正返學嗰日就唔駛搞到屋企七國咁亂喇!小朋友做得好的話亦要記住讚賞佢哋呀!

另外,家長亦都可以預先睇睇個時間表,然後話畀小朋友知學校嘅活動安排次序係點樣。如果小朋友係比較黐家的話,記住要提佢哋最後嘅活動係返屋企,等佢哋有所期待呢!

四、工欲善其事,必先利其器

家長可別忘記為小朋友收拾好書包,把上課所需的物品妥善放到書包內,讓小朋友上課的時候可以安心又放心!另外,通常小朋友返學一玩得興高采烈就會汗流浹背,記得預備定新口罩以作替換。

五、提醒子女注意防疫

資深行為治療師Tiffany:6個重點幫小朋友適應開學

家長記住要提醒小朋友喺學校時都要記得做好防疫措施,例如唔好除口罩、食茶點前記得要洗手、洗手時要洗足兩次生日快樂歌(~20秒)等等。

六、照顧好自己的情緒

家長亦應照顧好自己的情緒,唔好太緊張!要知道大人嘅情緒會好影響到小朋友。如果你嗰日好緊張的話,咁佢返學就會一樣咁緊張㗎喇!一齊深呼吸!一切都會順順利利的!

 

資深行為治療師 - Miss Tiffany

一對一行為治療及學校影子老師服務⁣
│ 相信科學,相信專業 │
𝐄𝐯𝐢𝐝𝐞𝐧𝐜𝐞-𝐛𝐚𝐬𝐞𝐝 𝐀𝐁𝐀/ 𝐏𝐚𝐫𝐞𝐧𝐭𝐢𝐧𝐠/ 𝐒𝐄𝐍 𝐄𝐝𝐮.𝐓𝐢𝐩𝐬
Master in Applied Psychology⁣
PG Cert. in Behavioural Science Technology
BSc in University of Toronto Psychology Specialist

 

fb @ psyc.made.simple

IG @ psyc.made.simple