advertisement

【親子好去處】沙田作為人口多達60萬人的市鎮,區內滿佈遊樂設施,由室外到室內遊樂場,由收費到免費都有,加上沙田區有多個商場,近年更有不少知名食店進駐,啱晒小朋友玩完去行街食返餐飽!

沙田親子好去處1. 史諾比開心世界

位於沙田的「 史諾比開心世界」,係以史諾比漫畫為主題的遊樂場,成個遊樂場範圍不大,但就有多個史諾比漫畫的場景可以影相,有得玩又有打卡位,仲要係免費入場的,玩完就可以返入商場行街,附近仲有唔少食肆超方便,絕對係沙田好去處放電首選!

【親子好去處 】沙田放電必去!室外室內遊樂場和趣味探知館~免費入場

史諾比開心世界最受歡迎一定係獨木舟,小朋友可以坐獨木舟順著水流慢慢前進,沿途可以欣賞到史諾比各種探險的可愛場景。小朋友需要自己坐一個位,家長可以坐後座,船上需扣上安全帶。但因為是免費的,等候人數會好多,要有心理準備會等好耐,當日我哋一去到就叫爸爸去排隊,小朋友就邊玩邊等。

【 沙田好去處2021】小朋友放電必去!室外室內遊樂場、趣味探知館~免費入場|親子好去處

【 沙田好去處2021】小朋友放電必去!室外室內遊樂場、趣味探知館~免費入場|親子好去處

場內仲有「棒球主題遊戲場」,細心睇成個遊樂設施都有好可愛的棒球裝飾,仲有多款滑梯選擇,當中一條勁高的旋轉滑梯望落好似好高,但原來唔係好刺激的,小朋友瀡落嚟時唔會太快,哥哥玩完一次又一次,好開心。

【 沙田好去處2021】小朋友放電必去!室外室內遊樂場、趣味探知館~免費入場|親子好去處

【 沙田好去處2021】小朋友放電必去!室外室內遊樂場、趣味探知館~免費入場|親子好去處

史諾比開心世界開咗好多年,經歷過日曬雨淋,所以部分場景都比較舊,但因為角色們都好可愛,值得去玩下!

史諾比開心世界Snoopy's World

地點:新界沙田區新城市廣場購物中心一期3樓平台

開放時間:早上十一時至晚上七時

【 沙田好去處2021】小朋友放電必去!室外室內遊樂場、趣味探知館~免費入場|親子好去處

沙田親子好去處2. 香港文化博物館

唔想去室外挑戰高温下的户外活動,不如去參觀博物館喇~小朋友可以從展覽中學習,重點係有冷氣涼下,絶對係夏天的好去處!我哋今次去咗沙田的「香港文化博物館」,佢係喺沙田市中心內,交通都好方便,容易去到。

博物館最吸引的一定係「兒童探知館」,展館分為8個學習遊戲區,當中Aidan最愛係「米埔沼澤」區探索,「深入地底」可以認識生活在地底下的小動物,另外仲有小型的魚缸欣賞,又可以認識本地考古學家的工作,認識香港神秘的出土文物。

【 沙田好去處2021】小朋友放電必去!室外室內遊樂場、趣味探知館~免費入場|親子好去處

「農村生活」展館,哥哥可以扮下小村民,體驗下在農村生活的景象。

【 沙田好去處2021】小朋友放電必去!室外室內遊樂場、趣味探知館~免費入場|親子好去處

仲有一個圖書角,入面的圖書選擇都幾多,喜歡睇書的小朋友就啱哂。

【 沙田好去處2021】小朋友放電必去!室外室內遊樂場、趣味探知館~免費入場|親子好去處

展館仲設有「香江童玩」展覽,展出香港設計的懷舊玩具,哥哥對某些古董玩具好感興趣,但好可惜而家無左試玩區,無得俾小朋友玩下舊時的玩具。

【 沙田好去處2021】小朋友放電必去!室外室內遊樂場、趣味探知館~免費入場|親子好去處

但因為疫情關係,以往最受歡迎的觸碰式互動展品和電腦遊戲都暫停開放,無左好多可以玩的地方,所以小朋友都有小小失望,家長可以考慮吓等之後重新開放遊戲時再去玩都未遲。

全館的展覽廳都可以免費入場,另外,博物館內的餐廳裝修緊,要到6月尾先重開,所以大家要食咗飯先好去參觀呀。

香港文化博物館

地址: 香港新界沙田文林路一號。

交通 :乘搭港鐵至車公廟站(A出口)再步行5分。

沙田站(A 出口)再步行約 15 分鐘。

 

資料來源: 安妮媽媽親子日記