advertisement

Fairchild Summer Camp 初體驗:囡囡盡情探索好開心!

小編早前與大家分享過城中精彩特色的暑期活動(昔日文章>>特色好玩暑期活動推介),今次就為大家介紹一個特色 summer camp,更邀請了新手媽媽 Candy 帶同囡囡一起試堂體驗,分享第一身感受!

分享課堂:Fairchild Junior Academy Summer Camp(16-30個月幼兒班)

課堂主題:交通工具   

課程時間:1小時30分鐘

分享者:Candy 媽媽(女兒2歲)

分享者:Candy 媽媽(女兒2歲)

傳統教學 vs 瑞吉歐教育法 (Reggio Emilia)

以往我都有帶女兒去不同主題嘅 playgroup,今次感覺頗特別。今次係我第一次接觸瑞吉歐教育法 (Reggio Emilia),覺得同其他 playgroup 好唔同。以往參加嘅 playgroup,老師每 15 分鐘就會轉唔同遊戲或教學,好似「音樂椅」咁,玩完一樣到另一樣。囡囡畢竟只係兩歲人仔,唔怕陌生人已經好好,見佢未吸收得切,或者啱啱鍾意玩一個遊戲,已經要轉去玩另一樣活動,好似趕鴨仔咁,令我感覺唔太好。美其名係「樣樣有」、「五花八門」,但諗番轉頭,囡囡都未必學到嘢。

Fairchild Summer Camp 初體驗:囡囡盡情探索好開心!

Fairchild Junior Academy 嘅 summer camp 每星期不同主題,每節 1 小時 30 分鐘,時間相當充裕。以英語為母語嘅老師首先會安排 circle time,畀小朋友圍埋一齊唱歌、聽故事。15 分鐘之後,小朋友就可以按住自己喜好,主導探索房內其他遊戲。

Fairchild Junior Academy 嘅 summer camp

因為教室非常大,老師會因應每星期不同主題設計兩款 messy play,今次主題係交通工具,所以第一款 messy play 係泡泡水內放海綿同各種車仔,第二款係用顏料畫畫。

由於之前聽故事時間已經有足夠 warm up,囡囡好快投入去玩,樂在其中!兩款我囡都非常喜歡,亦都好開心有足夠時間畀佢去感受,去探索不同玩法,學習解決問題;而校方亦有足夠圍裙供應畀小朋友替換,唔怕佢哋整污糟。老師喺學生玩嘅過程都會教佢哋小知識、守規矩等,其他小朋友都玩得好投入!

第一款 messy play 係泡泡水內放海綿同各種車仔
/第一款 messy play 係泡泡水內放海綿同各種車仔。/

第二款係用顏料畫畫。
/第二款係用顏料畫畫,囡囡好鍾意,玩完又玩!/

自主探索:更開心亦學到更多

而課堂期間,我亦發現其他小朋友都好主動,佢哋會向老師發問問題,雖然只係兩歲左右,彼此都有好友善開心嘅交流,相信係學習環境畀佢哋自信,令佢地開心探索,同時勇於與老師分享及發問問題,不知不覺學到好多嘢。而整個課堂期間,都可以有一位家長或者照顧者陪伴在側,不過老師就建議我哋多啲觀察小朋友,必要時先主動幫手,等佢哋可以自由自在咁探索同感受。雖然課室入面無論係老師、同學都係以英語溝通,囡囡都好容易融入當中,令我喜出望外!

囡囡玩咗一個鐘之後,老師再指示小朋友再排排坐,以 15 分鐘分享感受、唱遊講故事,整個課堂就完結。

另外一提,今次我早咗 15 分鐘到場,Fairchild Junior Academy 校園入面嘅 waiting area 係一間大樹屋,囡囡同一眾等上堂嘅小朋友可以喺度跑跑跳跳、玩積木及其他玩具,而我就嘆住無敵維園景觀(竟然家長都有福利😄),真心覺得超靚!

Fairchild Junior Academy

今次試堂我同囡囡都覺得好開心好滿意!知道佢哋嘅 summer course 好搶手,好多班已經爆滿,好在 8 月份仲有少量名額,即刻幫囡囡報咗名!據知嚟緊 9 月份都係恆常嘅 playgroup 同興趣班,到時我會再物識適合嘅課堂畀囡囡參加!

 

昔日文章 >> 【留學移民】突轉全英學習環境小孩恐適應不了!父母要如何選擇合適的playgroup或幼稚園?

了解更多及報名詳情>> https://www.fairchild.academy/