【新抱唔易做 – 003】不敢怠慢奶奶個friend

前幾日知道有個中學best friend喺加拿大返香港,其實本來都唔係太關我事嘅。點知話,喂阿詩你平時又知邊度有好嘢食,邊度有嘢玩,不如你幫手諗下計,睇吓帶我朋友去邊度玩啦。

 

聽到呢句說話我真係掩飾唔到我心中嗰份驚訝同無助,我喵一喵我老公,佢以一個微笑應對,完全無拯救我於水深火熱之中嘅諗法。

 

喂啊平時我鍾意食乜着乜係我嘅事,依家叫我招呼阿個閏蜜我何德何能?平時話想去邊度食去邊度玩我都不敢怠慢,自問次次都招呼周到令佢樂而忘返咁。

 

但係今次閏密遊香港我真係束手無策。天啊!點解我老公唔醒少少喺我一個眼神會意之後,幫我推卻呢個order呢?我真係唔明。

 

 

有冇人話到畀我知有乜嘢係啱七十年代嘅閏中密友玩嘅?去山頂睇夜景?參觀杜麗莎夫人蠟像館?我點樣滿足到佢哋兩位長老?